नेपाली समय अनुसार आज बिहानै भएको कोपा अमेरिकाको खेलमा आयोजक टोली अमेरिका इक्वेडरलाई २-१ले पराजित गर्दै सेमी फाइनलमा प्रवेश गर्न सफल भएको छ ।
आयोजक राष्ट्र अमेरिकाले खेलको २२औ मिनटमा नै आग्रता लिएको थियो, अमेरिकाका लागि भेट्रान खेलाडी डेम्प्सिले गोल गरेका थिए । सो पश्चात पहिलो हाल्फमा अर्को गोल हुन सकेन ।
दोस्रो हाल्फको ७औ मिनटमा अमेरिकाका जोनास र इक्वेडरका भ्यालेन्सियाले रेड कार्ड पाउदा दुबै टोली १०-१० खेलाडिमा सिमित भएको थियो । खेलको ६५औ मिनटमा खेलमा अमेरिकाले २-०को आग्रता लियो, अमेरिकाको लागि गायसि जार्डेसले गोल गरेका थिए । इक्वेडरका लागि एक मात्र गोल आरोयोले गरेका थिए ।
