रुस्लान थ्री स्टार क्लब जारी ललित स्मृति यु१८ फुटबल प्रतियोगिताको समूह चरणबाट बाहिरिने पहिलो टोलि बनेको छ|
आज एन्फा कम्प्लेक्समा भएको खेलमा थ्री स्टारले सुदुर बिस्कुट सुदुर पश्चिमान्चल फुटबल क्लबसँग २-१ को हार व्यहोर्यो र प्रतियोगिताबाट बाहिरियो| खेलको आठ मिनेटमा सुसन श्रेष्ठको गोलमार्फत अग्रता लिएको थ्री स्टारले २९औं मिनेटमा गोल खादैं खेल बराबरीमा पुर्यायो| सुपका लागि जिबन बुढाले गोल गरेका थिए|
अन्तिम समयमा कप्तान कमल देउबाले गोल गरेपछि सुदुरपश्चिम पहिलो खेलमा जित हात पर्दै अर्को चरणमा प्रवेश गर्ने पहिलो टिम पनि बन्यो|
दिनको अर्को खेलमा सरस्वति युथ क्लब र बुद्ध एअर मोरंग फुटबल क्लबले २-२ को बराबरी खेले| दुइ पटक अग्रता लिएको मोरंगले खेलमा पकड बनाइराख्न सकेन र बराबरीमा नै चित्त बुझाउनु पर्यो| मोरंगका लागि सचिन राज बस्नेत र विदुर रिजालले गोल गरेका थिए भने सरस्वतिका क्षितिज खड्काले दुइ बराबरी गोल फर्काएका थिए|
