मार्से(एजेन्सी)– खेलको अन्त्यतिर सम्हालिन नसक्दा आइसल्यान्ड जारी युरोपियन च्याम्पियनसिपमा लगातार दोश्रो बराबरी खेल्न बाध्य रह्यो ।
समय सकिन २ मिनेट बाँकी रहँदा डिफेन्डर विरकिर साभारासोनले विपक्षिले गरेको क्रसलाई क्लिएर गर्ने प्रयासमा आत्मघाती गोल गरेपछि आइसल्यान्डले जितको स्वाद लिन पाएन । गिल्फि सिगुर्डसनको पेनील्टिको मद्दतले पहिलो हाफमा अग्रता लिएपनि आइसल्याण्ड ठुलो प्रतियोगितामा पहिलो जित दर्ता गर्नबाट बञ्चित रह्यो।
यसअघि पहिलो खेलमा क्रिस्टियानो रोनाल्डोको पोर्चुगललाई १-१को बराबरीमा रोक्न सफल आइसल्याण्डले समुह चरणको अन्तिम खेलमा अष्ट्रियाको सामना गर्नेछ। अर्को चरणमा पुग्न आइसल्याण्डलाई जितको विकल्प रहेको छैन।
हंगेरीको दुई खेलमा ४ अंक पुगेको छ । हंगेरीले पहिलो खेलमा अस्ट्रियालाई २–० ले हराएको थियो । अर्को खेलमा हंगेरीले पोर्चुगलको सामना गर्नेछ ।
