काठमाडौं(८ आषाढ)-जगदम्बा लुम्बिनि फुटबल क्लब र सिएमजी क्लब संकटाले ललित स्मृति यु१८ फुटबल प्रतियोगिताको पहिलो सेमिफाइनल खेल्ने भएका छन्।
बुधबार भएको क्वार्टरफाइनलमा संकटाले मनाङलाई र लुम्बिनिले मोरङलाई पाखा लगाएको हो। संकटाको ३-१को जितमा सुमन डंगोलले दुई गोल गरे भने सुजन महर्जनको नाममा एक गोल रह्यो। मनाङको तर्फबाट रोशन न्यौपानेले दर्शनिय फ्रिकिक गोल गरेका थिए। लुम्बिनिले भने एक गोलले पछि परेको स्थिति उल्टाउँदै २-१को जित हात पारेको हो।
मोरङको लागि मिलन धिमालले १६औं मिनेटमा गोल गरे पनि दोश्रो हाफमा सोहि अनुसार प्रदर्शन गर्न सकेन। लुम्बिनिका लागि तेजेन्द्र पुनले ५९औं मिनेटमा विजयी गोल गरेका थिए भने ५४औं मिनेटमा लुम्बिनिले बरबरी गोल फर्काएको थियो। बाँकी दुई क्वार्टरफाइनल खेल शुक्रबार खेलिनेछन्।
