अर्जुन कार्की ,पोखरा
१३ औं दक्षिण एसियाली खेलकुद (साग) अन्तर्गत महिला फुटबल प्रतियोगितामा भारतले उत्कृष्ट सुरुवात गरेको छ । पोखरा रंगशालास्थित फुटबल मैदानमा मंगलबार भएको खेलमा भारतले माल्दिभ्सलाई ५–० को फराकिलो अन्तरको पराजित गर्यो ।

सुरुवातदेखिनै आक्रमक खेलेको भारतले खेलको छैठौं मिनेटमै डेंगी ग्रेसको गोलबाट खाता खोल्यो । भारतकी एनजी बालादेवीले खेलको २६ औं मिनेट र ३५ औं मिनेटमा गोल गर्दै पहिलो हाफमा ३-० को अग्रता दिलाईन ।

दोस्रो हाफमा खेलको ८७ औं मिनेटमा भारतकी मनिषाले चौंथो गोल गरेकी गरिन् र त्यसको १ मिनेटमै जगमानीले गोल गर्दै जित पक्का गरिन । डिफेन्समा कडाइ नगरी अट्याकमा उत्रिएको माल्दिभ्सले प्रयाप्त अबसरलाई सदुपयोग गर्न नसक्दा फराकिलो अन्तरको हार बेहोर्नु पर्यो ।

नेपालले पनि महिला फुटबलमा विजयी सुरुवात गरेको थियो । नेपाली टोलीले श्रीलंकालाई १-० ले हराएको थियो । खेल सकिन २ मिनेट बाँकी रहँदा सरु लिम्बुले गरेको गोलमा नेपाल विजयी भएको थियो ।

सबैले एक अर्कासँग प्रतिस्पर्धा गरेपछि शीर्ष २ टोलीले स्वर्ण पदकका लागि प्रतिस्पर्धा गर्नेछन् । त्यस्तै पुछारका दुई टोलीले कास्य पदकका लागि प्रतिस्पर्धा गर्नेछन् । नेपालले आफ्नो दोस्रो खेल बिहिबार माल्दिभ्ससँग खेल्नेछ ।