जगदम्बा लुम्बिनी फुटबल क्लब र त्रिभुवन आर्मी क्लब ललित स्मृति यु१८ फुटबल प्रतियोगिता २०१८को फाइनलमा पुगेका छन्।
आज एन्फा कम्पलेक्समा भएको दुइ सेमिफाइनलमध्य पहिलो खेलमा लुम्बिनीले सिएमजी संकटालाई १-०ले पराजित गर्यो।
मन्दिप थापाले खेलको ८६औं मिनेटमा गोल गर्दै टोलीलाइ जिततर्फ डोर्याएका थिए। दोश्रो खेलमा भने आर्मीले रमपम झापा ११लाई २-१ले पराजित गर्यो।
दोर्जे तामाङले २९औं मिनेटमा गोल गर्दै टोलीलाई अघि बढाएका थिए भने प्रेजेन तामाङले ५४औं मिनेटमा अग्रता दोब्बर पारेका थिए। यसअघि २०औं मिनेटमा कप्तान अभिषेक रिजालले पेनाल्टि मिस गरेका थिए।
दोर्जेले पनि पेनाल्टिबाट नै गोल गरेका थिए। झापाका लागि विश्वहाङ राइले ६९औं मिनेटमा सान्तवना गोल गरे। प्रतियोगिताको फाइनल खेल आगामी आषाढ १५ गते दिनको ३ बजे एन्फा कम्प्लेक्समा हुनेछ।
