युरो २०१६ अन्तर्गत आज हुने वेल्स र पोर्चुगलबिचको खेलमा रियल म्याड्रिडका ग्यारेथ बेल र क्रिस्टियानो रोनाल्डो आमने सामने हुदैंछन्।
वेल्सका लागि प्रमुख दुइ खेलाडी आरोन र्यामजी र बेन डेभिस अनुपस्थित हुनाले पोर्चुगललाई फाइदा पुग्ने देखिएको ।छ बेल्जियम संगको क्वार्टरफाइनल जितमा प्रतियोगिताको दोश्रो पहेंलो कार्ड खाएका कारण यी दुइ खेलाडी सेमिफाइनलखेल्न बंचित भएका हुन्। उनीहरुको अनुपस्थितिमा डेभिसको स्थानमा जेम्स कोलिंस र र्यामजीको स्थानमा जोनाथन विलिएम्स खेल्ने सम्भावना रहेको छ।
यसैगरी पोर्चुगलका विलियम कार्भाल्हो पनि दोहोरो पहेंलो कार्डका कारण वेल्स विरुद्ध मैदानमा उत्रने छैनन्। उनको स्थानमा ड्यानीलोले मौका पाउन सक्नेछन। पेपेले प्रशिक्षणका क्रममा चोट बोकेपनि वेल्सविरुद्ध भने उत्रने पक्का भएको छ।
यसअघी यी दुइ टोलीले सन् २०००मा खेलेको खेलमा पोर्चुगल ३-०ले विजयी भएको थियो। जारि प्रतियोगितामा वेल्सले एक खेलमा मात्र जित हासिल गरेको छैन भने पोर्चुगलले कुनै खेलको निर्धारित ९०मिनेटमा जित दर्ता गर्न सकेको छैन।
