6 years ago
February 17, 2020
काठमाडौं (हाम्रो खेलकुद) – भारतीय महिला लिग (आईडब्लूएल) मा उच्च प्रदर्शन गर्दै राष्ट्रिय महिला टोली एवं एपिएफकी फरवार्ड सावित्रा भण्डारी (साम्बा) र मिडफिल्डर अनिता बस्नेत सोमबार स्वदेश फर्किएका छिन् । शुक्रबार भएको फाइनलमा क्रिप्सा एफसीलाई ३–२ ले हराउँदै सावित्रा सम्मिलित गोकुलम केरला एफसी लिग उपाधि जितेको थियो ।
सावित्राको निर्णायक गोलमा गोकुलम च्याम्पियन बनेको थियो । २–२ को बराबरीको अवस्थाबाट सावित्राले खेल सकिन ३ मिनेट बाँकी रहँदा निर्णायक गोल गर्दै टोलीलाई च्याम्पियन बनाएकी हुन् । गोकुलमको सबै जितमा सावित्रा केन्द्रमा रहिन् ।
टोलीले खेलेका लिगका सबै ७ खेलमा सावित्राले गोल गरिन् । उनले लिगभर १६ गोल गरिन् । त्यसअघि प्ले अफमा पनि उनले ह्याट्रिक गरेकी थिइन् । लिगको उच्च गोलकर्ता बनेकी सावित्राले १ लाख भारतीय रुपैयाँ प्राप्त गरिन् ।
लिगमा पहिलो खेलमा श्री भुमीविरुद्ध सावित्राले निर्णाक गोल गरेकी थिइन् । सावित्राले ओडिसा पुलिस र केन्क्रे एफसीविरुद्ध समान ५ गोल गरेकी थिइन् । विदेश ११ एससी र बैंगलोर युनाइटेड फुटबल क्लबसँग पनि सावित्राले समान १ गोल गरिन् ।
राष्ट्रिय टोली तथा एपिएफकी सहकर्मी अनिता बस्नेत सम्मलित गत वर्षको च्याम्पियन सेथु एफसी विरुद्धको सेमिफाइनलमा पनि २ गोल गरेकी थिइन् । सावित्रा र अनिताले गत वर्ष सेथुबाट खेल्दै टोलीलाई लिग च्याम्पियन बनाएका थिए । त्यति बेला सावित्राले १५ गोल गरेकी थिइन् ।
आइडब्लूएलको फाइनल हेर्न पुगेका एन्फा महिला फुटबलका प्रमुख हरि खड्का पनि उनीहरुसँगै फर्केका छन् ।
उनीहरुलाई अखिल नेपाल फुटबल संघ (एन्फा) का महिला समितिका संयोजककी पेमा डोल्मा लामा र फिफा सहायक रेफ्री विना श्रेष्ठले त्रिभुवन अन्तर्राष्ट्रिय विमानस्थलमा स्वागत गरेका थिए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
