हिमाल खरेल, झिलझिले (झापा)

रुस्लान थ्री स्टार क्लब तेस्रो सताक्षी गोल्डकप फुटबल प्रतियोगिताको सेमिफाइनलमा पुगको छ । बेलबारी फुटबल क्लबलाई सोमबार ३–० ले हराउँदै थ्री स्टार अन्तिम चारमा पुगेको हो ।

थ्री स्टारले अब सेमिफाइनलमा आयोजक सतासीधाम स्पोर्टिङ क्लबको सामना गर्नेछ । आयोजक टोली नेपाल आयोल निगम मनाङ मस्र्याङ्दी क्लबलाई स्तब्ध पार्दै अघि बढेको थियो ।

प्रदेश १ को उपविजेता बेलबारीविरुद्ध थ्री स्टार क्लबले सन्जोग राईको गोलमा नवौं मिनेटमा अग्रता लिएको थियो । विपक्षीको हेडर फ्लिक भएको मौकामा उनले गोल गरेका हुन् ।

१४ औं मिनेटमा सुशील राईले गोल गर्दै अन्तर दोब्बर पारे । सञ्जोगको पासमा उनले गोल गरेका हुन् । ५४ औं मिनेटमा सञ्जोगले अर्को गोल थप्दै टोलीलाई बलियो अवस्थामा पु¥याएका थिए ।

खेलको २३ औँ मिनटमा बेलबारीलाई गोल गर्ने अवसर मिले पनि मिस पास हुँदा थ्री स्टारका डिफेन्सले क्लियर गरिदिए । पहिलो हाफको अन्तिम मिनेटमा बेलबारीका वीरेन्द्र लिम्बूलाई पेनाल्टी बक्सको केहि बाहिर लडाउँदा पाएको फ्रिकिक प्रहार ब्लक हुँदा बेलबारीले गोल गर्ने अवसर गुमायो । भूषण सुब्बाको सो प्रहार ब्लक भएको थियो ।

सञ्जोग राई खेलको म्यान अफ दी म्याच घोषित भए र उनले १० हजार रुपैयाँ प्राप्त गरे । प्रतियोगिताका विजेताले ६ लाख र दोस्रो हुने टोलीले ३ लाख रुपैयाँ प्राप्त गर्नेछ ।