4 years ago
February 23, 2020
एजेन्सी – पोर्चुगिज सुपरस्टार फवार्ड क्रिस्टियानो रोनाल्डोको कीर्तिमानी गोल सहयोगमा युभेन्टसले इटालियन सिरी ‘ए’ मा संघर्षपुर्ण जित निकालेको छ । युभेन्टसले घरेलु टोली एसपाललाई २–१ ले पराजित गरेको हो ।
युभेन्टसको जितमा रोनाल्डोसँगै आरोन राम्सीले एक गोल थपे । घरेलु टोलीका एन्ड्रिय पेटाग्नाले गोल गरेपनि हार टार्न सकेन । आफ्नो खेल करियरको १०००औं खेल खेलिरहेका रोनाल्डोले खेलको ३९औं मिनेटमा गोल गर्दै युभेन्टसलाई अग्रता दिलाएका थिए । एसपालविरुद्ध गोल गरेसँगै रोनाल्डोले सिरी ‘ए’ मा लगातार ११ खेलमा गोल गर्ने ग्याब्रियल बाटिस्टुटा र फावियो क्वाग्लिएरेल्लाको कीर्तिमानलाई बराबरी गरेका हुन् ।
उनले सिरी ‘ए’ मा लगातार ११ खेलमा गोल गर्ने ग्याब्रियल बाटिस्टुटा र फावियो क्वाग्लिएरेल्लाको कीर्तिमानलाई बराबरी गरेका हुन् । अर्जेन्टिनी ग्याब्रियलले एसएस रोमाबाट १९९४ मा र इटालियन फावियोले साम्पडोरियाबाट गतवर्ष लगातार ११ खेलमा गोल गर्दै कीर्तिमान बनाएका थिए ।
३५ वर्षे रोनाल्डोले डिसेम्वर १ मा सोसुलोविरुद्ध २–२ गोलको बराबरीमा सकिएको खेलमा गोल गरेयता युभेन्टसका लागि लगातार गोल गरिरहेका छन् । अर्काे साता इन्टर मिलानविरुद्धको खेलमा गोल गर्न सके रोनाल्डोले ग्याब्रियल बाटिस्टुटा र फावियो क्वाग्लिएरेल्लाको कीर्तिमान तोड्ने छन् । उनले युभेन्टसबाट ७३ खेलमा ५३ गोल गरेका छन् । रोनाल्डोले आफ्नो खेल करियरमा ७२५ गोल गरेका छन् ।
एसपालविरुद्ध नै करियरको १००० खेल पुरा गरेका रोनाल्डोले क्लबबाट ८३५ र राष्ट्रिय टोलीबाट २६४ पटक खेलिसकेका छन् । उमेर बढ्दै गएपनि रोनाल्डोका गोल गर्ने क्रम रोकिएको छैन । रोनाल्डोले २००२ मा १७ वर्षको उमेरमा स्पोर्टिङ लिस्वनबाट खेल्दै व्यवसायिक यात्रा थालेका थिए । त्यसयता रोनाल्डोले इंग्लिस क्लब म्यानचेस्टर युनाइटेड र स्पेनिस क्लब रियाल म्याड्रिडबाट खेलिसकेका छन् । उनी २०१८ मा युभेन्टस पुगेका थिए ।
एसपालको मैदानमा शनिबार राति भएको खेलमा जुवान कोर्डाडोको पासमा गोल गर्न सफल भएका थिए । ६०औं मिनेटमा पाउलो डिब्यालाको पासमा आराने राम्सीले गोल गर्दै युभेन्टसको अग्रता दोब्बर पारे । ६९औं मिनेटमा एन्ड्रियले पेनाल्टीमा गोल गर्दै खेललाई २–१ को अवस्थामा ल्याए । त्यसपछि थप गोल निस्कन नसक्दा युभेन्टस २–१ ले विजयी हुन सफल भयो ।
जितसँगै युभेन्टसले शीर्षस्थानमा ४ अंकको अग्रता बनाएको छ । युभेन्टसको २५ खेलबाट ६० अंक छ । एक खेल कम खेलेको लाजियोको ५६ तथा इन्टर मिलानको ५४ अंक छ । एसपाल १५ अंक जोडेर रेलिगेसन जोनको पुछारमा छ ।
May 7, 2024
एजेन्सी – म्यानचेस्टर युनाइटेडले इंग्लिस प्रिमियर लिगमा लज्जास्पद हार बेहोरेको छ । युनाइटेडले घरेलु टोली क्रिस्टल प्यालेससँग ४–० को लज्जास्पद हार बेहोरेको हो । युनाइटेडलाई लज्जास्पद हार चखाउन माइकल ओलिसेले दुई तथा जिन फिलिप माटेटा र टेरिक मिट्चेलले समान एक गोल गरे । यससँगै क्रिस्टल प्यालेसले यो सिजनको प्रिमियर लिगको दुवै खेलमा युनाइटेडलाई हराउन सफल […]
May 6, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत सोमबार भएका खेलमा खालीबारी युथ एफसी र रानीवन स्पोर्ट्स क्लब विजयी भएका छन् । एन्फा कम्प्लेक्समा भएको दिनको पहिलो खलमा खालीबारीले पुल्चोक स्पोर्ट्स क्लब माथि १-० को जित दर्ता गरेको हो । खालीबारीको जितमा मार्वल सुनुवारले २७औं मिनेटमा खेलको एकमात्र गोल गरे । जित पछि […]
May 6, 2024
सुबास हुमागाईं, काठमाडौं अखिल नेपाल फुटबल संघ (एन्फा) को विधान पल्टाउने हो भने संघको उद्देश्यको पहिलो बुँदामै फुटबल खेलको निरन्तर सुधार गर्ने तथा स्वच्छ खेल र आपसी एकताका कार्यक्रम प्रवर्द्धन गर्ने उल्लेख गरिएको छ । तर संघको वर्तमान कार्यशैली हेर्दा न खेलको सुधारमा ध्यान देखिन्छ न त आपसी एकता नै । विगत केही वर्षयता गुटको […]