एजेन्सी – फ्रान्स तथा पेरिस सेन्ट जर्मेन (पिएसजी) का सुपरस्टार केलियन एमबाप्पेको स्वास्थ्यमा केहि समस्या देखिएको थियो । बोरुसिया डर्टमन्डविरुद्ध हुने च्याम्पियन्स लिगको प्रिक्वार्टरफाइनलको दोस्रो लेग अघि उनी बिरामी पर्दा पिएसजीको चिन्ता बढेको छ ।

 

उनको बिमारीको कारण कोरोना भाइरस हो की भन्ने शंका पनि गरिएको थियो । तर, त्यो शंका भने टरेको छ । कोराना भाइरसको परिक्षणमा नेगेटिभ आएपछि एमबाप्पे र पिएसजी दुवै ढुक्क भएका छन् । घाँटिमा समस्या देखिएपछि उनलाई परिक्षणका लागि लगिएको थियो ।

चीनबाट सुरु भएको कोरोना भाइरसको असर विश्वका विभिन्न मुलुकमा देखि सकिएको छ । जसका कारण विश्वभरका थुप्रै खेल गतिविधि पनि रोकिएका छन् । २१ वर्षे सुपर स्टार स्वास्थ परिक्षण पछि पूर्ण रुपमा ठिक रहेको पुष्टी भएको बताइएको छ ।

‘एमबाप्पे विरामी छन् । उनी हिजो र आज उनलाई सन्चो थिएन । साँझ सामान्य अभ्यास गरे,’ पिएसजीका प्रशिक्षक थोमस टुचेलले मंगलबार भनेका भनेका थिए,‘ पछिल्लो दुई दिन उनले अभ्यास गरेनन् । भोली बिहान सम्म हेछौं त्यसपछि मात्र उनले खेल्न नखेल्ने तय हुनेछ ।’

एमबाप्पले अहिले पिएसजीका नेयमार भन्दा पनि महत्वपूर्ण खेलाडीका रुपमा हेरिन्छन् । यो सिजन ३२ खेलमा उनले ३० गोल गसिरसकेका छन् । पिएसजीले कोराना भाइरसको संक्रमणको खताराका कारण घरेलु मैदानमा दर्शकको उपस्थिति विना च्याम्पियन्स लिग खेल्नुपर्नेछ ।