बाएर्न म्युनिखबाट व्यवसायिक फुटबल खेल्दै आएका जर्मन मिड्फिल्डर मारियो गोट्जे पुन: आफ्नै बाल्यकालको क्लब बोरुसिया डर्टमन्ड फर्किएका छन्।
जर्मनीले विश्वकप २०१४को उपाधि जित्दा फाइनल खेलको एकमात्र गोल गरेका उनले केहि वर्ष अगाडी बायर्न पुगेका थिए। तर बाएर्नमा लगातार राम्रो प्रदर्शन नगरेपछि पेप ग्वार्डिओलाको रोजाइमा नपरेपछि उनले अधिकांश समय वैकल्पिक खेलाडीको रुपमा खेले।
यसै सिजन कार्लो एन्चेलोटि बाएर्न आएसंगै उनि पुन: डर्टमन्ड फर्किएका हुन्। डर्टमन्डका हेनरिक मख्तिरियानलाई म्यानचेष्टर युनाइटेटले किनेपछि डर्टमन्डले पुन: गोट्जेलाई भित्र्याएको हो। यसअघि गोट्जेकै पदपुर्ति गर्न मख्तिरियानलाई डर्टमन्डले किनेको थियो।
गोट्जेसंगै डर्टमन्डले जर्मनिका आन्द्रे सर्ल र युरो विजेता पोर्चुगल टोलीका डिफेन्डर राफाएल गुरेरोलाई पनि भित्र्याएको छ।
