एजेन्सी – टिमो वेर्नरको ह्याट्रिक सहयोगमा आरबी लाइप्जिगले जर्मन बुन्डेस लिगामा सानदार जित निकालेको छ । लाइप्जिगले घरेलु टोली मेइनजमाथि ५–० को सानदार जित निकालेको हो । 

लाइप्जिगको सानदार जितमा टिमो वेर्नरले ह्याट्रिक पुरा गर्दा युसुफ पउलसेन र मार्सेल सवित्जेरले समान १ गोल गरे ।मेइनजमा भएको खेलमा लाइप्जिगले खेलको ११औं मिनेटमा टिमो वेर्नरले कोनराड लेइमेरको पासमा गोल गरेपछि खेलमा गोलको खाता खोलेको थियो । २३औं मिनेटमा युसुफ पउलसेनकले सवित्जेरको पासमा गोल गरेपछि लाइप्जिगले खेलमा अग्रता दोब्बर बनायो ।

३६औं मिनेटमा युसुफको पासमा सवित्जेरले गोल गरेपछि लाइप्जिगले पहिलो हाफमा ३–० को अग्रता आरामदायी अग्रता लिन सफल भयो । ४८औं मिनेटमा वेर्नरले केभिनको पासमा व्यक्तिगत दोस्रो तथा टोलीका लागि चौथो गोल गरेपछि लाइप्जिग फराकिलो जिततर्फ अग्रसर बन्यो । ७५औं मिनेटमा वेर्नरले युसुफको पासमा ह्याट्रिक पुरा गर्दै लाइप्जिगलाई ५–० को सानदार जित दिलाए ।

जितसँगै लाइप्जिग २७ खेलबाट ५४ अंक जोडेर तेस्रो स्थानमा उक्लन सफल भएको छ । लाइप्जिगले बायर लिभरकुसेनलाई १ अंकले पछि पारेको हो । पराजित मेइन्ज २७ अंक जोडेर रेलिगेसन जोनभन्दा एक स्थान मात्रै माथि छ । तर, यो स्थानको टोलीले रेलिगेसन बच्नको लागि प्ले अफ खेल्नुपर्ने हुन्छ । बुन्डेस लिगामा बायर्न म्युनिख (६१) शीर्षस्थानमा तथा बोरुसिया डर्टमन्ड (५७) दोस्रो स्थानमा रहेका छन् ।