एजेन्सी – साम्पडोरियामाथि सहज जित निकाल्दै एटलान्टाले इटालियन सिरी ‘ए’ को तेस्रो स्थानमा उक्लदै अर्काे सिजनको लागि च्याम्पियन्स लिगमा छनोट हुने सम्भावनालाई बलियो बनाएको छ ।
घरेलु मैदानमा साम्पडोरियामाथि २–० को जित निकाल्दै एटलान्टाले एक खेल कम खेलेको इन्टर मिलानलाई पछि पार्दै तेस्रो स्थानमा उक्लन सफल भएको हो । इटलान्टाको जितमा राफयल टोलोई र लुइस मुरिइलले गोल गरे । दुवै गोल दोस्रो हाफमा सम्भव भएको थियो ।
पाहुना टोलीलाई खेलको शुरुवातदेखि नै दवावमा राखेपनि एटलान्टाले गोलको लागि दोस्रो हाप नै कुर्नुपरेको थियो । ७५औं मिनेटमा टोलोइले गोल गर्दै घरेलु टोलीलाई १–० को अग्रता दिलाए ।
खेल सकिन ५ मिनेट बाँकी रहँदा लुइस मुरिइलले गोल गर्दै एटलान्टालाई २–० को सहज जित दिलाए । जितसँगै एटलान्टाको ३१ खेलबाट ६६ अंक पुगेको छ । एक खेल कम खेलेको इन्टर मिलानको ६४ अंक छ । पराजित साम्पडोरिया ३२ अंक जोडेर १६औं स्थानमा यथावत छ ।
