4 years ago
July 10, 2020
एजेन्सी – यूईएफए च्याम्पियन्स लिग अन्तर्गत जारी सिजनका बाँकी खेलहरुको खेल तालिका निर्धारण गर्न शुक्रबार स्विटजरल्यान्डस्थित यूईएफएको मुख्यालयमा समारोह हुँदैछ । नेपाली समयअनुसार समारोह दिउँसो ३:४५ बजे सुरु हुनेछ । कोरोनाले च्याम्पियन्स लिग स्थगित हुनुअघि नै ४ टोलीले क्वाटरफाइनलमा स्थान पक्का गरिसकेका छन् । एटलान्टाले भ्यालेन्सियालाई पराजित गर्दै अन्तिम ८ मा स्थान पक्का गरेको थियो […]
एजेन्सी – यूईएफए च्याम्पियन्स लिग अन्तर्गत जारी सिजनका बाँकी खेलहरुको खेल तालिका निर्धारण गर्न शुक्रबार स्विटजरल्यान्डस्थित यूईएफएको मुख्यालयमा समारोह हुँदैछ । नेपाली समयअनुसार समारोह दिउँसो ३:४५ बजे सुरु हुनेछ ।
कोरोनाले च्याम्पियन्स लिग स्थगित हुनुअघि नै ४ टोलीले क्वाटरफाइनलमा स्थान पक्का गरिसकेका छन् । एटलान्टाले भ्यालेन्सियालाई पराजित गर्दै अन्तिम ८ मा स्थान पक्का गरेको थियो । इंग्लिस टोली टोटेनहम हट्सपर आरबी लाइप्जिगसँग पराजित हुँदा साविक विजेता लिभरपुल एटलेटिको म्याड्रिडसँग पराजित भएको थियो । पेरिस सेन्ट जर्मेनले बोरुसिया डर्टमुन्डलाई हराउँदै अगाडी बढेको थियो ।
राउन्ड अफ १६ मा अझैपनि ४ खेल बाँकी रहेको छ । चेल्सीले पहिलो लेगमा बायर्नसँग ३-० को हार बेहोरेको थियो । नेपोलीले घरेलु मैदानमा खेल्दा नेपोलीसँग पहिलो लेगमा खेलेको १-१ को बराबरीलाई सुधार्ने प्रयास गर्नेछ । रियल म्याड्रिड घरेलु मैदानमा म्यानचेस्टर सिटीसँग भोगेको २-१ को हारको बदला लिने सुरमा हुनेछ । लियोन पहिलो लेगमा १-० को जित दर्ता गरेपछि दोस्रो लेगमा कम्तिमा त्यसलाई बचाउन तत्पट हुनेछ ।
ड्र कसरी हुन्छ ?
समग्रमा आज हुने समारोहमा तीन पटक ड्र हुनेछ । पहिलो ड्र क्वाटरफाइनल चरणमा तालिका निर्धारण गर्न हुनेछ । दोस्रो ड्रले सेमिफाइनल चरणका खेल निर्धारण गर्नेछ । तेस्रो ड्र भने कुन टोली घरेलु टोलीका रुपमा रहने भन्ने निर्धारण गर्न हुनेछ । बाँकी चरणका खेल एक लेगमा हुने भएपनि प्रशासनिक कारणले यो निर्धारण गर्नुपर्ने हुन्छ ।
क्वाटरफाइनल चरणदेखि जुनसुकै टोलीको पनि सामना गर्नुपर्ने हुन्छ । राउन्ड अफ १६ सम्म भने एकै देशका टोलीले एक अर्कासँग खेल्न नपर्ने प्रावधान रहेको थियो । राउन्ड अफ १६ कै खेल बाँकी रहेपनि सेमिफाइनलसम्म कै खेल तालिका निर्धारण हुनेछ ।
खेल कहाँ हुनेछ ?
क्वाटरफाइनल चरणदेखि सबै खेल पोर्चुगलको लिस्बनमा आयोजना हुनेछ । राउन्ड अफ १६ का खेल भने सम्बन्धित क्लबहरुले एक आपसमा छलफल गरेर तय गर्नेछन् । सबै खेल एक लेगको हुने भएकाले खेल बराबरीमा भए अतिरिक्त समय र त्यसपछि टाइब्रेकरमा पुग्नेछ ।
खेल हुने मिति :
अगस्ट ७-८ : राउन्ड अफ १६ का बाँकी खेल
अगस्ट १२-१५ : क्वाटरफाइनल
अगस्ट १८-१९ : सेमिफाइनल
अगस्ट २३ : फाइनल
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]