एजेन्सी – पोर्चुगलले ४ वर्षअघि फ्रान्समा भएको युरो कपको उपाधि जितेको शुक्रबार ४ वर्ष पुरा भएको छ । यस क्षणलाई टोलीका कप्तान क्रिस्टियानो रोनाल्डोले खेल जीवनकै महत्त्वपूर्ण क्षणका रुपमा ब्याख्या गरेका छन् ।
युभेन्ट्सका सुपरस्टार रोनाल्डोले ५ वटा च्याम्पियन्स लिग उपाधि जित्नुलाई पनि उपलब्धिका रुपमा लिएका छन् । रोनाल्डोले रियल म्याड्रिडबाट ४ र म्यानचेस्टर युनाइटेडबाट एउटा च्याम्पियन्स लिग उपाधि जितेका थिए ।
‘चार वर्षअघिको यो दिन हाम्रो लागि एतिहासिक र असाधारण थियो,’ उनले ट्विट गरेका छन्, ‘मरो लागि विना कुनै दुविधा त्यो खेल जीवनकै सबैभन्दा महत्त्वपूर्ण उपाधि हो ।’
आयोजक फ्रान्सलाई अतिरिक्त समयमा पुगेर १–० ले हराउँदै पोर्चुगल पहिलो पटक युरो कप च्याम्पियन बनेको थियो । फाइनलमा चोटका कारण रोनाल्डोले भने २५ औें मिनेटमै मैदान छाड्न परेको थियो ।
हरेक ४ वर्षमा आयोजना हुने युरो कपको यसपटकको संस्करण कोरोना भाइरसका कारण एक वर्षका लागि सारिएको छ ।
