एजेन्सी – रियल म्याड्रिडलाई यो सिजन स्पेनिस ला लिगा च्याम्पियन बन्नका लागि अब ५ अंकको मात्र आवश्यकता छ । शुक्रबार राती अलाभेसलाई हराउन सकेको खण्डमा रियल उपाधिको एकदमै नजिक पुग्नेछ ।

रियलले ३ खेल खेल्न बाँकी छ । टोलीले अर्को खेल जितेमा अन्तिम दुई खेल बराबरी गर्दा पनि पुग्छ । वा ३ मध्ये २ खेल जितेर अर्को खेल हारेको खण्डमा पनि रियल च्याम्पियन बन्न सक्दछ । सबै भन्दा खराब अबस्था भनेको टोलीले उपाधिका लागि अन्तिम खेल सम्म पनि कुर्नुपर्ने हुन सक्दछ ।

रियलको निकटतम प्रतिद्वन्द्वीका रुपमा रहेको साविक विजेता बार्सिलोनाको ७९ अंक छ । १ खेल कम खेलेको रियल ८० अंक छ । अबको खेल जित्न सकेको अवस्थामा रियलले बार्सिलोनासँगको अंक दुरीलाई पुनः ४ अंकमा पुर्याउने छ ।

अलाभेससँग खेल्नुअघि रियलले सोमबार ग्रानडाको सामना गर्नेछ । त्यो खेलको नतिजाले पनि रियलको उपाधि जित्ने सम्भावनालाई थप प्रष्ट पार्नेछ ।

त्यस्तो नभएर रियलले आउने दुई मध्ये एक खेल गुमाएको र बार्सिलोनाले अर्को खेल पनि जितेको अवस्थामा उपाधिको छिनोफानो अन्तिम दिनमात्र हुनेछ । अन्तिम खेलमा रियलले लेगानेसको सामना गर्नेछ ।

त्यसअघि नै लेगानेस रेलिगेसनमा परिसक्नेछ । त्यस्तै बार्सिलोनाले भने अन्तिम अलाभेसको सामना गर्नेछ ।