एजेन्सी – स्पेनिस ला लिगामा सेभिल्ला र एथ्लेटिक क्लब बिल्वाओले सहज जित हात पारेको छ । सेभिल्लाले रेलिगेसन जोनमा रहेको मालोर्कालाई तथा बिल्वाओले लेभान्टेलाई पराजित गरेको हो ।

रोमन सान्चेज पिजुवान स्टेडियममा घरेलु टोली सेभिल्लाको जितमा लुकास ओकम्पास र युसेफ इन न्यास्रीले गोल गरे । पहिलो हाफ र दोस्रो हाफमा समान एक गोल सम्भव भएको थियो ।  खेलको ४१औं मिनेटमा लुकास ओकम्पासले पेनाल्टीमार्फत गोल गर्दै सेभिल्लालाई अग्रता दिलाएका थिए । ८४औं मिनेटमा युसेफले गोल गर्दै सेभिल्लालाई २–० को सहज जित दिलाए ।

जितसँगै सेभिल्लाले शीर्ष चारमा बलियो पकड बनाउदा मालोर्कालाई भने रेलिगेसनको डर बढेको छ । सेभिल्लाले तेस्रो स्थानको एट्लेटिको म्याड्रिडसँग समान ६६ अंक बनाएपनि हेड टु हेडमा पछि छ । मालोर्का ३२ अंक जोडेर १९औं स्थानमा छ । मालोर्कालाइै रेलिगेसन बच्न बाँकी रहेको दुई खेलमा जित निकाल्नुका साथै अन्य टोलीको नतिजामा पनि भर पर्नुपर्नेछ ।

यस्तै अर्काे खेलमा बिल्वाओले लेभान्टेमाथि २–१ को कठिन जित हात पार्दै शीर्ष ६ को सम्भावनालाई जीवितै राखेको छ । बिल्वाओको जितमा दुवै गोल राहुल गार्सियाले गरे । लेभान्टेका इनिस बार्दीले गोल गरे । जितसँगै बिल्वाओ ५१ अंक जोडेर सातौ स्थानमा उक्लिएको छ । पराजित लेभान्टे ४३ अंकसहित १२औं स्थानमा छ ।

अन्य नतिजा

एस्पान्योलविरुद्ध एइवर (०–२)

लेगानेसविरुद्ध भ्यालेन्सिया (१–०)