एजेन्सी – इंग्लिस प्रिमियर लिगमा आजर राति ३५औं चरणको एक खेलमा म्यानचेस्टर युनाइटेडले साउथह्याम्पटनको सामना गर्दैछ । खेल नेपाली समयअनुसार ओल्ड ट्राफोर्डमा राति १२ः४५ बजे हुनेछ ।

लयमा रहेको युनाइटेड घरेलु मैदानमा साउथह्याम्पटनलाई पराजित गर्दै चेल्सी र लेस्टर सिटीलाई पछि पार्दै तेस्रो स्थानमा उक्लने लक्ष्यमा हुनेछ । पछिल्लो १७ खेलमा अपराजित युनाइटेड सोही प्रदर्शनलाई निरन्तरता दिने लक्ष्यसहित मैदान उत्रनेछ ।

साउथह्याम्टनमाथि जित हात पारेमा युनाइटेडले चेल्सीलाई १ अंकले पछि पार्दै तेस्रो स्थानमा उक्लने छ । आइतबार राति चौथो स्थानमा रहेको लेस्टर सिटी बर्नमाउथसँग ४–१ ले पराजित भएपछि युनाइटेडले तेस्रो स्थानमा उक्लने अवसर पाएको हो ।

युनाइटेडका लागि ब्रुनो फर्नान्डेज, पल पोग्वा, मासन ग्रीनवुड, एन्थोनी मार्सियल, माकर्सस रासफोर्ड, नेमान्जा माटिच र ह्यारी मिगुएर जस्ता खेलाडीको साथ रहनेछ ।

यता, साउथह्याम्पटन युनाइटेडको अपराजित यात्रामा पुर्णविराम लगाउदै ३ अंक जोड्ने लक्ष्यमा हुनेछ । पछिल्ला खेलमा औसतको प्रदर्शन गरेको साउथह्याम्पटनले म्यानचेस्टर सिटीलाई पराजित गरेको थियो । तर, एभर्टनसँग बराबरीमा रोकिएको थियो ।

ड्यानी इंग्स, चे एडाम्स, जेम्स वार्ड प्रोउस युनाइटेडविरुद्ध नायक बन्न सक्नेछ । युनाइेटलाई हराए साउथह्याम्पटन एभर्टनलाई पछि पार्दै एक स्थान माथि उक्लनेछ ।

तेस्रो स्थानको चेल्सीकोको ३५ खेलबाट ६०, चौथो स्थानको लेस्टर सिटीको ५९ तथा युनाइटेडको ५८ अंक रहेको छ । साउथह्याम्पटन ४४ अंक जोडेर १२औं स्थानमा छ ।