4 years ago
July 17, 2020
एजेन्सी – स्पेनिस ला लिगा अन्तर्गत ३७ औं चरणका ९ खेलहरु एकसाथ संचालन भइरहेका छन् । पहिलो हाफको खेल सकिँदा लिगको शीर्षस्थानमा रहेको रियल म्याड्रिडले अग्रता लिँदा दोस्रो स्थानको बार्सिलोना पछाडी परेको छ । रियल म्याड्रिडले घरेलु मैदानमा भिल्लारियलविरुद्ध १-० को अग्रता लिएको छ । खलेको २९ औं मिनेटमा करीम बेन्जेमाले गोल गर्दै रियललाई अग्रता […]
एजेन्सी – स्पेनिस ला लिगा अन्तर्गत ३७ औं चरणका ९ खेलहरु एकसाथ संचालन भइरहेका छन् । पहिलो हाफको खेल सकिँदा लिगको शीर्षस्थानमा रहेको रियल म्याड्रिडले अग्रता लिँदा दोस्रो स्थानको बार्सिलोना पछाडी परेको छ ।
रियल म्याड्रिडले घरेलु मैदानमा भिल्लारियलविरुद्ध १-० को अग्रता लिएको छ । खलेको २९ औं मिनेटमा करीम बेन्जेमाले गोल गर्दै रियललाई अग्रता दिलाएका हुन् । सिजनको २० औं गोल गर्ने क्रममा बेन्जेमाले लुका मोड्रीचको पासलाई सदुपयोग गरेका थिए ।
रियलले बल पोसेसनमा बलियो पकड बनाउँदै लगातार एकतर्फी आक्रमण गरिरहेको छ । कोरोनापछि लिग सुचारु भएयता छैटौं गोल गरेका बेन्जेमाले गोलरक्षक सर्जियो असेन्जोलाई पटक पटक समस्या दिइरहेका छन् ।
यता अर्को खेलमा बार्सिलोना घरेलु मैदान क्याम्प नोउमा ओसासुनासँग १-० ले पछि परेको छ । खेलको १६ औं मिनेटमा जोसे अर्नाइजले गोल गर्दै पाहुना टोलीलाई अग्रता दिलाएका हुन् । उनले पेर्भिस एस्तुपिएनको पासलाई सदुपयोग गरेका थिए ।
बार्सिलोनाले खेलमा फर्कने प्रयास जारी राखेपनि बराबरी गोल गर्न सकिरहेको छैन । कप्तान लिओनेल मेस्सी फ्रिकिकमा गोल गर्न नजिक पुग्दा गोलरक्षक सर्जियो हरेराले उत्कृष्ट बचाउ गरेका थिए । बार्सिलोनाले दुई तिहाइभन्दा बढी समय बल पोसेसन बनाएपनि गोल गर्न सकेको छैन ।
दुवै नतिजा यसै अवस्थामा रहे रियल म्याड्रिड ७ अंकको अग्रतासहित लिग च्याम्पियन बन्नेछ । यता बार्सिलोनाले उपाधि होडलाई अन्तिम खेलसम्म लम्ब्याउन दुवै खेलको नतिजा उल्टनुपर्ने अवस्था छ ।
पहिलो हाफमा अन्य नतिजा :
एथ्लेटिक बिल्बाओ ०-० लेगानेस
बार्सिलोना ०-१ ओसासुना
सेल्टा भिगो २-२ लेभान्ते
गेटाफे ०-० एटलेटिको म्याड्रिड
मालोर्का १-१ ग्रानडा
रियल बेटिस ०-० अलाभेस
रियल म्याड्रिड १-० भिल्लारियल
रियल सोसीडाड ०-० सेभिल्ला
भ्यालेन्सिया १-० एस्पान्योल
April 28, 2024
एजेन्सी – यो सिजन सानदार प्रदर्शन गर्दै जर्मन बुन्डेसलिगाको च्याम्पियन बनिसकेको बायर लेभरकुसेनले आफ्नो अपराजित यात्रालाई कायमै राखेको छ । जाभी अलन्सोको प्रशिक्षणमा गज्जवको प्रदर्शन गरिरहेको बायर लिभरकुसनले बुन्डेसलिगामा शनिबार राति भिएफबी स्टुर्टगार्टसँग २–२ गोलको बराबरी खेल्दै आफ्नो अपराजित यात्रा ४६ खेलसम्म पु¥याएको छ । लिभरकुसनले पछिल्ला तीन खेलमा अन्तिम समयमा गोल गर्दै हार टारिरहेको […]
April 28, 2024
एजेन्सी – उपाधि नजिक रहेको पेरिस सेन्ट जर्मेन (पिएसजी) ले फ्रेन्च लिग वानमा रेलिगेसन क्षेत्रमा संघर्षरत ले हार्भेसँग नाटकीय बराबरी खेल्दै हार टारेको छ । खेलको अन्त्यतिर दुई गोल गर्दै ले हार्भेसँग ३–३ गोलको बराबरी खेल्दै पिएसजीले हार टारेको हो । ले हार्भेका क्रिस्टोफेर ओपेरी, आन्द्रे एयु र अब्दुलाए टाउरेले गोल गरे । पिएसजीका ब्राड्ले […]
April 28, 2024
एजेन्सी – इंग्लिस फरवार्ड ह्यारी केनको कीर्तिमानी दुई गोलमा बायर्न म्युनिखले आइनट्राक्ट फ्रान्कफुर्टलाई पराजित गरेको छ । बायर्नले फ्रान्कफुर्टलाई २–१ ले पराजित गरेको हो । फ्रान्कफुर्ट विरुद्धको जितमा दुई गोल गरेसँगै केनले एक सिजनमा सर्वाधिक गोल गर्ने नयाँ व्यक्तिगत कीर्तिमान बनाएका छन् । ३० वर्षिय केनले बायर्नमा डेब्यु सिजनकाे सबै प्रतियोगितामा ४२ गोल गरिसकेका छन् […]