5 years ago
July 18, 2020
हिमाल खरेल, बिर्तामोड
राष्ट्रिय लिग खेलिसकेको झापा ११ फुटबल क्लबले फुटबल एकेडेमी सञ्चालन गर्ने भएको छ । शनिबार बिर्तामोडको डोमालाल राजवंशी रंगशालामा पत्रकार भेटघाट कार्यक्रमको आयोजना गर्दै एकेडेमी सञ्चालनमा तयारी भइरहेको जलकुमार गुरुङले जानकारी दिए ।
अध्यक्ष गुरुङका अनुसार एकेडेमी सञ्चालनका लागि ५ करोड रुपैयाँ खर्च हुने अनुमान छ । प्रशिक्षक, खेलाडी तथा प्राविधिकसँगको परामर्शपछि ऐकेडेमी सञ्चालनको तयारी सुरु गरेका हौं, उनले भने, क्लबलाई आगामी दिनमा अझ मजबुद बनाउन तथा खेलाडी उत्पादनको उद्देश्य राखेर एकेडेमी सञ्चालन गर्न लागेका हौं ।
एकेडेमी विना नयाँ खेलाडी उत्पादनको सम्भावना नदेखिएकोले प्रयास थालिएको गुरुङको तर्क छ । ‘एकेडेमी नहुँदा क्लबका लागि खेलाडीको अभाव देखियो’, गुरुङले भने, ‘भाँडामा खेलाडी किनेर कति दिनसम्म खेल्नु ?’
एकेडेमीका लागि प्रशिक्षकसँग पनि सल्लाह गरिएको बताइएको छ । सहिद स्मारक ए डिभिजन लिग विजेता मच्छिन्द्र क्लबका मुख्य प्रशिक्षक प्रवेश कटवाल र बी डिभिजन क्लब बाँसबारी क्लबका मुख्य प्रशिक्षक युगलकिशोर राई एकेडेमीमा आबद्ध हुने सम्भावना रहेको गुरुङले बताए ।
झापाका स्थायी बासिन्दा कटवाल र राईले यसअघि झापा ११ को प्रशिक्षकको भूमिका निर्वाह गरिसकेका छन् । झापा ११ का पूर्वखेलाडी समेत रहेका दुवै एएफसी ए लाइसेन्स प्राप्त प्रशिक्षक हुन् ।
प्रशिक्षक कटवालले एकेडेमी सन्चालनले खेलाडी उत्पादनले क्लब पनि मजबुद हुने उल्लेख गर्दै भविष्यमा नयाँ खेलाडी खोज्न सहज हुने बताए । प्रशिक्षक राईले एकेडेमी सञ्चालन गर्दा क्लब पृथक र व्यावसायिक हुने बताए । उनले लामो उद्देश्य राखेर फुटबल विकासको योजनासहित ऐकेडेमी सञ्चालनमा गर्न लागिएको बताए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
