ब्राजिलका कप्तान नेयमारको अन्तिम पेनाल्टी गोलको मद्दतले आयोजक राष्ट्र ब्राजिलले इतिहासमै पहिलोपल्ट पुरुष फुटबलमा स्वर्ण पदक जितेको छ।
खेलको २७औं मिनेटमा उत्कृष्ट फ्रिकिक प्रहार गर्दै ब्राजिललाई अग्रता दिलाएका नेयमारले ब्राजिलको वर्ल्ड कपको हारको पिडा बिर्साउने बाटो खोलेका थिए। तर, ५९औं मिनेटमा म्याक्स मायरले गोल गर्दै खेललाई बराबरीमा ल्याए खेलमा त्यसपछि गोल भएन र अतिरिक्त ३० मिनेटमा पनि कुनै टोलीले गोल नगरेपछि पेनाल्टी सुटआउट बाट खेलको छिनोफानो हुने भएको थियो।
पेनाल्टीमा जर्मनीको निल पिटर्सनको प्रहार ब्राजिलका गोलकिपर वेभर्टनले रोकेका थिए र अन्तिम पेनाल्टीमा नेयमारले गोल गरेपछि ब्राजिलको स्वर्ण पक्का भएको थियो। ब्राजिलले पेनाल्टीमा ५-४को जित दर्ता गर्यो।
