एजेन्सी – स्पेनिस ला लिगा च्याम्पियन रियल म्याड्रिडलाई अबको खेलाडी सरुवा बजारमा नयाँ खेलाडी लिनका लागि चुनौति नै छ । त्यस्तै भएका खेलाडी विक्री गर्न पनि टोलीलाई सहज हुने छैन ।

यस्तोमा प्रशिक्षक जिनेदिन जिदानले नरुचाएका ग्यारेथ बेल भने क्लब छाड्न इच्छुक नरहेको उनका एजेन्ट जोनाथन बार्नेटले बताएका छन् । रियल ला लिगा च्याम्पियन बन्दा पनि बेलले भने टोलीमा खासै महत्व पाएनन् । टोलीको सफलतामा उनी पनि मजाले खल्न सकेनन् ।

फ्रान्सेली प्रशिक्षकले सिजनभर बेललाई खासै महत्व दिएनन् । सायद उनी टोलीको सफलताको श्रेय उनलाई दिन इच्छुक थिएनन् । टोटेनह्याममा पूर्व फरवार्ड गत वर्षको समनमा चीन जाने सम्भावना बढेको थियो । तर, बेल आफनै भने त्यहाँ जान चाहेनन् । प्रशिक्षकको रोजाईमा पर्न नसकेपछि उनले क्लब छोड्ने इच्छा देखाएनन् ।

उनलाई प्रशिक्षकले मौका देलान् भन्ने आशा भएपनि त्यो पुरा हुन सकेन । त्यसपछि उनी चोटग्रस्त भए । जसले गर्दा उनी लामो समय विश्राममा बसे । त्यति बेला पनि उनी विभिन्न कारणले चर्चा भने रहि रहे । जसमा गल्फ खेल्नु एक थियो ।

‘कोडिभ १९ कारण लामो समय स्थगित भएर ला लिगा सुरु हुँदा पनि उनी जिदानको प्राथमिकतामा पर्न सकेनन् । पहिलो रोजाईमा मात्र होइन उनी परिवर्तित खेलाडीका रुपमा पनि प्रयोग भएनन् ।
जिदान बेललाई प्रशिक्षण गर्न चाहँदैनन् । तर उनको सम्झौता क्लबसँग अझै २ वर्ष बाँकी छ’, बार्नेटले भने, ‘उनी म्याड्रिडमा खुसी छन् । त्यसैले उनी कतै जादैनन् ।’

‘बार्नेटले बेलको सम्बन्ध अन्य खेलाडीसँग राम्रो रहेको उल्लेख गर्दै यद्दपी उनलाई नखेलाउने निर्णय प्रशिक्षकको भएको पनि बताएका छन् । ‘बेलले त्यस्तो खासै दुख मनाउ गरेका छैनन् । उनले जिदानसँग केहि गुनासो गरेका पनि छैनन्’, उनले थपे, ‘उनी हरेक दिन अभ्यास गरिरहेका छन् । जिदान सफल भएपनि बेललाई प्रयोग गर्न चाहदैनन् ।’

कोभिड १९ का कारण क्लबहरुलाई पनि आर्थिक रुपमा कठिनाई पर्दै आएको छ । आउने २ वर्षमा क्लबले उनलाई १७ मिलियन युरो दिनुपर्नेपर्ने हुन्छ । ‘जिदान त्यति खुसी छैन् । बेल नहुँदा टोलीलाई असर त गर्छ नै । तर पनि उनी छाड्न चाहदैनन्’, उनले भने, ‘अहिलेको अवस्थामा खेलाडीहरु क्लब छाडेर जाने अवस्था छैन । बेल विश्वका उत्कृष्ट खेलाडी मध्येका एक हुन् । तर उनी लोनमा जान चाहदैनन् । अहिले उनलाई लिन सक्ने क्षमता भएका धेरै टोली छ्रनन् ।’