एजेन्सी – इंग्लिस प्रिमियर लिगको सिजनको अन्तिम खेलमा च्याम्पियन लिभरपुल र दोस्रो भएको म्यानचेस्टर सिटीले सहज जित निकाल्दै सिजनको सुखद अन्त्य गरेको छ ।

च्याम्पियन लिभरपुलले न्युक्यासलमाथि ३–१ को पूनरागमन जित निकाल्दा म्यानचेस्टर सिटीले रेलिगेसनमा परेको नर्विच सिटीमाथि ५–० को सानदार जित निकाल्यो ।  खेलको पहिलो मिनेटमा नै डिविट गेलको गोलबाट न्युक्यासलले खेलमा अग्रता बनाएको थियो । तर, न्युक्यासले उक्त अग्रतालाई जोगाउन सकेन ।

३८औं मिनेटमा भर्जिल भान डाइकले गोल गर्दै खेललाई १–१ गोलको बराबरीमा ल्याए । ५९औं मिनेटमा डिभोक ओरिगीले गोल गर्दै लिभरपुललाई २–१ को अग्रता दिलाए । ८९औं मिनेटमा साडियो मानेले गोल गर्दै लिभरपुललाई ३–१ को पूनरागमन जित दिलाए ।

यस्तै अर्काे खेलमा केभिन डि ब्रुयनले दुई तथा ग्याब्रियल जेसस, रहिम स्ट्रलिङ र रियाद महारजेले गोल गरेपछि म्यानचेस्टर सिटीले नर्विच सिटीमाथि ५–० को फराकिलो जित निकाल्यो ।

यो जितले लिभरपुलले शीर्ष स्थानमा १८ अंकको फराकिलो अग्रता लिन सफल भयो । लिभरपुल १ सय अंक बनाउनबाट १ अंकले ९९ तथा सिटीले ८१ अंक जोड्यो ।

अन्य नतिजा

आर्सनलविरुद्ध वाट्फोर्ड (३–२)

बर्नलीविरुद्ध ब्राइटन (१–२)

चेल्सीविरुद्ध वल्भ्स (२–०)

क्रिस्टल प्यालेसविरुद्ध टोटेनहम (१–१)

एभर्टनविरुद्ध बर्नमाउथ (१–३)

लेस्टरविरुद्ध म्यानचेस्टर युनाइटेड (०–१)

म्यानचेस्टर सिटीविरुद्ध नर्विच सिटी (५–०)

न्युक्यासलविरुद्ध लिभरपुल (१–३)

साउथह्याम्टनविरुद्ध सेफिल्ड (३–१)

वेस्टह्यामविरुद्ध एस्टन भिल्ला (१–१)