एजेन्सी – यूईएफए च्याम्पियन्स लिग अन्तर्गत प्रि–क्वाटरफाइनल चरणको दोस्रो लेगमा शुक्रबार राति इंग्लिस क्लब म्यानचेस्टर सिटी र स्पेनिस क्लब रियल म्याड्रिड बीच प्रतिस्पर्धा हुँदैछ ।

कोरोनाको प्रभावले स्थगित भएका घरेलु लिग सम्पन्न भएसँगै च्याम्पियन्स लिग शुक्रबारदेखि सुरु हन लागेको हो । प्रि-क्वाटरफाइनलअन्तर्गत शुक्रबार दुई तथा शनिबार राति बाँकी दुई खेल हुनेछ । च्याम्पियन्स लिगको सर्वाधिक सफल स्पेनिस क्लब रियल म्याड्रिडले इंग्लिस क्लब म्यानचेस्टर सिटीको इतिहाद स्टेडियममा खेल्दैछ । खेल नेपाली समय अनुसार राति १२ः४५ बजे शुरु हुनेछ ।

पहिलो लेगमा आफ्नै घरेलु मैदानमा २–१ ले पराजित भएको रियल जित निकाल्दै अघिल्लो चरण पुग्ने दाउमा हुनेछ । रियललाई अघिल्लो चरण प्रवेश गर्न कम्तीमा पनि २–० को जितको खाँचो छ । परािजत यता बराबरीमा रोकिए तथा १–० को जितले पनि १३ पटकको च्याम्पियन रियल लगातार दोस्रो सिजन प्रि–क्वाटरफाइनलबाट बाहिरिनेछ ।

त्यसैले रियल आफ्नो सम्पुर्ण शक्ति लगाएर सिटीविरुद्ध मैदानमा उत्रनेछ । दर्शकविना हुने भएका कारण रियललाई यसको फाइदा छ । तर, भरपर्दा कप्तान सर्जियो रामोसको अनपस्थितिले रियललाई घाटा हुन सक्नेछ । कोरोनापछिको ११ खेलमा अपराजित रहेको रियललाई सिटीको खेल अग्निपरिक्षा हुनेछ ।

रियलका लागि करिम बेन्जेमा, भिनिसियस जुनियर, रोड्रिगो, टोनी क्रुस, लुका मोड्रिच र क्यासमिरोजस्ता स्टार खेलाडीको साथ रहेको छ । रामोसको अनुपस्थितिमा राफयल भरान र इडर मिलिटाओले रियलको रक्षापङ्ति सम्हाल्नेछन् । उनीहरुलाई ड्यानी कार्भाजल, मार्सेलो, फर्लान्ड मेन्डीले साथ दिनेछन् । गोलरक्षकमा थिवाउट कोर्टुवा रहनेछ । इडेन हाजार्डले पनि सिटीविरुद्ध खेल्न सक्नेछ ।

यता, सिटी पहिलो लेगमा लिएको अग्रता जोगाउदै अघिल्लो चरण प्रवेश गर्ने दाउमा हुनेछ । सिटीलाई यही नतिजाले पनि अघिललो चरण प्रवेश गराउनेछ । त्यसैले सिटी घरेलु मैदानमा रियलविरुद्ध सचेत भएर खेल्नेछ । सिटीका लागि रहिम स्ट्रलिङ, ग्याब्रियल जेसस, रियला महारेज, केभिन डि ब्रुयन, रोड्री, इकेए गुन्डोगान, फर्नाडिन्हो, केएल वाल्कर, एमेरिक लापोर्टे, बर्नाडो सिल्भा र इडर्सन मोरेस जस्ता खेलाडीहरु हुनेछन् ।

कोरोनापछि रियल ११ खेलमा अपराजित रहँदै ला लिगा च्याम्पियन बन्न सफल भएको थियो । यता, म्यानचेस्टर सिटीले भने कोरोनापछि १२ खेल खेल्दा तीन खेल (चेल्सी, साउथह्याम्टन र आर्सनल) सँग पराजित भएको थियो । यि दुई टोलीको पछिल्लो सात खेलको नतिजामा रियलले तीन खेलमा जित हात पार्दा सिटीले दुई खेल आफ्नो पक्षमा पारेको छ । दुई खेल बराबरीमा सकिएको छ ।

यो पनि पढ्नुहोस :

सिटीविरुद्ध रियल म्याड्रिड ‘बेस्ट अट्याक भर्सेस बेस्ट डिफेन्स’

युभेन्टसलाई लियोनको चुनौती