काठमाडौँ (हाम्रो खेलकुद) – सहिद स्मारक ‘बि’ डिभिजन लिग अन्तर्गत बिहिबार एपीएफ रंगशाला हल्चोकमा भएको खेलमा बाँसबारी क्लब र डिभाइन ब्वाइज युनियन क्लब विजयी भएका छन्।
पहिलो खेलमा सातदोबाटोसंग ३-०ले पराजित भएको डिभाइन ब्वाइज युनियनले सामाजिक युवा क्लबलाई ३-१ले हरायो। ब्वाइज युनियनका लागि अभिषेक रिजालले ३९औं, जय गुरुङले ६०औं र मनिष थापाले ७८औं मिनेटमा गोल गरेका थिए। सामाजिकको तर्फबाट एकमात्र गोल भुवन बस्नेतले दोश्रो हाफको थप समयको चौथो मिनेटमा गरे।
दिनको अर्को खेलमा बाँसबारी क्लबले नयाँबस्ती युवा क्लबलाई १-०ले पराजित गर्यो बाँसबारीका लागि एकमात्र गोल किरण ठाडाले २२औं मिनेटमा गरेका थिए।
