काठमाडौँ (हाम्रो खेलकुद) – भेरिस्क इन्फर्मेसन टेक्नोलोजीले एम एण्ड एम रेमिट अल्टिमेट इन्डोर क्रिकेट कर्पोरेट २०१६को उपाधि जितेको छ।
शनिबार भएको फाइनल खेलमा सेन्चुरी बैंकलाई आठ रनले पराजित गर्दै भेरिस्कले उपाधि उचालेको हो। यसअघीका दुइ संस्करणमा फाइनलमा पराजित भएको भेरिस्कले ६३ रनको सहज लक्ष्य पाएपनि एक समयमा दवाबमा देखिएको थियो। तर अन्तिम जोडीले संयमतापुर्वक खेलेपछि भेरिस्कले उपाधि पक्का गरेको हो।
यसअघी भेरिस्कले सेमिफाइनलमा सिटिजन्स बैंकलाई २३ रनले पराजित गरेको थियो। भने सेन्चुरीले यु-वि होममाथि ७३ रनको विशाल जित दर्ता गर्दै फाइनल पुगेको थियो।
प्रतियोगिताको प्लेयर अफ द सिरिज भेरिस्कक अर्जुन अर्याल भए। उनले दुइ जनाको लागि दुबईको दुइतर्फी टिकट प्राप्त गरे भने उत्कृष्ट बलर भेरिस्ककै सुरज तिमिल्सिना भए। उत्कृष्ट ब्याट्सम्यान सेन्चुरीका दिवस भट्टराई र उत्कृष्ट फिल्डर सेंचुरिकै विष्णु तिवारी भए।
