कोपा अमेरिकाको फाइनलमा पराजय भोगेपछी आफु अन्तर्राष्ट्रिय खेलबाट सन्यास लिने घोषणा गरेका मेस्सी करिब १ महिना पछी आफ्नो निर्णय फिर्ता लिएका थिए । अर्जेन्टिनाका लेजेन्ड डिएगो म्यारोडोनाका अनुसार मेस्सिको उक्त निर्णय योजना अनुरुप हुन सक्छ ।
” कोपा अमेरिकाको फाइनलमा पराजय भोगेपछी मेस्सिले अनेकौ प्रश्नको सामना गर्नु पर्ने हुनसक्थियो, तर उनको त्यो घोषणाले अर्जेन्टिनाले गुमाएको उपाधी भन्दा अर्जेन्टिनाले गुमाएको मेस्सिको बारेमा धेरै कुरा भयो । ” , म्यारोडोनाले टिवाइसि स्पोर्ट्स लाई भने ।
जुन २६ मा आफुले फाइनल जिताउन नसक्दा सन्यासको घोषणा गरेका मेस्सीले अगस्ट १२ मा आफुले बाहिर बसेर भन्दा टिम भित्रबाट अर्जेन्टिनालाई योगदान दिने भनेर सन्यास फिर्ता लिएको कुरा बताएका थिए ।
