म्यानचेस्टर (एजेन्सी) –म्यानचेस्टर सिटीले पनि प्रिमियर लिगको तेस्रो खेलसम्म विजयी यात्रालाई निरन्तरता दिने क्रममा आइतबार वेस्टह्यामलाई ३-१ ले हराएको छ । सिटीको जितमा रहिम स्टेर्लिङ केन्द्रमा रहे । उनले दुई गोल गरेका थिए ।
सातौं मिनेटमा स्टेर्लिडले गोल गरेको खेलमा फर्नान्डिन्होले १८ औं मिनेटमा गोल गरे । ५८ औं मिनेटमा मिचेल एन्टोनियोले गोल फर्काउँदै सिटीमाथि दबाब बढाउने कोसिस गरेको थियो । तर, अन्तिम मिनेटमा स्टेर्लिङ अर्को गोल थप्दै जितलाई पक्का गरे ।
लगातार तेस्रो जितसँग सिटी शीर्ष स्थानमा पुगेको छ । पेप ग्वार्डिओलाको सिटीसँग समान ९ अंक भएपनि गोलअन्तरमा चेल्सी दोस्रो र सिटीको सहरी प्रतिद्धन्द्धि म्यानचेस्टर युनाइटेड तेस्रोमा छ । लिगकै अर्को खेलमा वेस्ट ब्रुमविच र मिडल्सब्रोले गोलरहित बराबरी खेलेका छन् ।
