4 years ago
September 2, 2020
एजेन्सी – स्पेनिस महारथी रियल म्याड्रिडले पछिल्लो १३ वर्षमा चारपटक मात्रै स्पेनिस ला लिगाको उपाधि जित्न सफल भएको छ । यो अवधिमा निकटतम् प्रतिद्धन्द्धी क्याटलान क्लब बार्सिलोना ८ पटक र एट्लेटिको मड्रिड एकपटक मात्रै स्पेनिस च्याम्पियन बनेको छ । ला लिगाको सर्वाधिक ३४ पटकको च्याम्पियन रियलले २००८, २०१२, २०१७ र २०२० मा उपाधि जितेको थियो […]
एजेन्सी – स्पेनिस महारथी रियल म्याड्रिडले पछिल्लो १३ वर्षमा चारपटक मात्रै स्पेनिस ला लिगाको उपाधि जित्न सफल भएको छ ।
यो अवधिमा निकटतम् प्रतिद्धन्द्धी क्याटलान क्लब बार्सिलोना ८ पटक र एट्लेटिको मड्रिड एकपटक मात्रै स्पेनिस च्याम्पियन बनेको छ । ला लिगाको सर्वाधिक ३४ पटकको च्याम्पियन रियलले २००८, २०१२, २०१७ र २०२० मा उपाधि जितेको थियो ।
रियलले जतिपटक ला लिगाको उपाधि जितेको छ । त्यति नै पटक क्याटलान क्लब बार्सिलोनामा स्टार खेलाडीहरुले अप्रत्यक्ष रुपमा पीडादायी बिदाईहरु निम्त्याएको छ । अझ भनौ जतिपटक रियलले जितेको छ । त्यति नै पटक बार्सिलोनामा केही न केही घटना भएको छ ।
ठुला स्टार खेलाडीले बिदाईको हात नै धुनुपरेको अवस्था आएको छ । यो इतिहास केलाउदा पछिल्लोपटक रियल च्याम्पियन बन्दा बार्सिलोनामा समस्या नै समस्या सिर्जना गरिदिएको छ । विशेष गरी पछिल्लोपटक क्लबका अध्यक्ष जोसेप मारिया बार्टाेमेउ र क्लबका कप्तान लियोनेल मेस्सीबीच विवादको श्रृंखला जारी छ ।
रोनाल्डिन्हो र ग्वार्डिओलाको ड्रेसिङ रुम (२००८)
प्रशिक्षक फ्रान्क राइकार्ड २००३ देखि २००८ सम्म बार्सिलोनाको प्रशिक्षक रहेका थिए । यो अवधिमा बार्सिलोना दुईपटक च्याम्पियन बनेको थियो । बार्सिलोनाको खराब प्रदर्शनपछि क्लबका अध्यक्ष जोन लापोर्टाले प्रशिक्षक राइकार्डको सम्झौता नवीकरण नगर्ने निर्णय गर्यो ।
त्यतिबेला रोनाल्डिन्होको सट्टा डेभिड बेकह्यामलाई हस्ताक्षर गर्ने वाचा गरेपनि अन्ततः प्रशिक्षक राइकार्ड नै बर्खास्तीमा परेका थिए । रिजकार्ड बाहरिएसँगै बार्सिलोनाले आफ्नो पुर्व मिडफिल्डर पेप ग्वार्डिओलालाई प्रशिक्षकमा नियुक्त गरे ।
त्यसपछि ग्वार्डिओलाले बार्सिलोनाको ड्रेसिङ रुम सफा गर्ने योजना बनाए । डेको र रोनाल्डिन्हो क्लबका लागि उत्कृष्ट फुटबलर रहेपनि त्यतिबेला मेस्सी उत्कृष्ट खेलाडीको रुपमा देखिएका कारण प्रशिक्षकको नजरमा दुवै थिएनन् ।
उनीहरु रहिरहे मेस्सीको बिकासलाई अवरुद्ध पार्न सक्ने भएकाले जेको र रोनाल्डिन्हो दुवै क्लबबाट बेचिएका थिए । यो सम्झनुपर्छ कि ब्राजिलियन त्यस समयमा विश्वको सर्वश्रेष्ठ खेलाडीहरुमध्ये एक थियो । तर, यो दर्दनाक निकास हो जुन सफलताको अझ ठुलो अवधिलाई सुरु गर्न आवश्यक थियो ।
ग्वार्डिओला युगको अन्त्य (२०१२)
ग्वार्डिओला आएपछि बार्सिलोनाले स्पेनमा चमत्कार नै गर्यो । उनले बार्सिलोनालाई लगातार तीन सिजन स्पेनिस च्याम्पियन बनाए । धेरैले ग्वार्डिओलाको यो समयलाई बार्सिलोनाको इतिहासकै अर्थात योहान क्राएफपछिको उत्कृष्ट समय भनेर समेत व्याख्या गरेका थिए ।
तर, ग्वार्डिओलाको यो धैर्यता चौथो सिजनमा देखिएन । २०१२ मा जोसे मौरिन्होको रियल म्याड्रिडलाई उपाधि सुम्पिएको थियो । त्यसपछि क्लबको बोर्डसँग अफ पित सम्वन्धका कारण स्पेनी प्रशिक्षकले बार्सिलोनामा निरन्तरता पाउन सकेन । चार सिजनमा १४ उपाधिसँगै बार्सिलोनामा ग्वार्डिओलाको युग अन्त्य भयो ।
नेयमारको रिलिज क्लज र पीएसजी (२०१७)
२०१३ मा बार्सिलोनाले ब्राजिली नेयमारलाई अनुबन्ध गरेको थियो । त्यसको ४ वर्षपछि अर्थात २०१७ मा नेयमारलाई विश्व कीर्तिमानी १९८ मिलियन पाउन्डमा फ्रान्सेली क्लब पेरिस सेन्ट जर्मेन (पीएसजी) मा बेचेको थियो । त्यतिबेला बार्सिलोना ला लिगा जित्नबाट बञ्चित बनेको थियो । जसलाई बार्सिलोनाले अझैपनि बिर्सन सकेको छैन ।
च्याम्पियन्स लिगको सफलतापछि रियल म्याड्रिका प्रशिक्षक जिनेदिन जिदानले सार्वजनिक रुपमै ला लिगा जित्नु आफ्नो लक्ष्य रहेको र आफ्नै शैलीमा फिर्ता गर्न हासिल भएको बताएको थियो । यो सिजनमा रियलले च्याम्पियन्स लिग र ला लिगा जित्दै बार्सिलोनालाई दुःखी तुल्याएको थियो ।
च्याम्पियन्स लिगको प्रि–क्वाटरफाइनलको दोस्रो लेगमा पीएसजीमाथि ६–१ को अविस्मरणीय जित दर्ता गरेपनि बार्सिलोना क्वाटरफाइनलभन्दा अघि बढ्न सकेन । दोस्रो लेगमा पीएसजीलाई पराजित गर्दा उच्च प्रदर्शन गरेका नेयमारमाथि पीएसजीले आँखा लगाउदै क्याटलान क्लबमा तरंग फैलायो । अन्ततः बार्सिलोना विश्व कीर्तिमानी मुल्यमा नेयमार बेच्न बाध्य बन्यो । नेयमारको यो प्रस्थानले बार्सिलोना आफ्नो लयमा फर्कन सकेको छैन ।
मेस्सी र बुरोफ्याक्स (२०२०)
बार्सिलोनामा अहिले फेरि त्यस्तै अवस्था सिर्जना भएको छ । १२ वर्षपछि क्लब उपाधिविहीन बन्दा बार्सिलोनामा ठुलो हलचल नै पैदा भएको छ । कोपा डेल रे मा एथ्लेटिको बिल्वाओसँग हार, एल क्लासिकोमा रियल म्याड्रिडसँग हार, ला लिगा उपाधि रियललाई सुम्पनु र च्याम्पियन्स लिगमा बायर्न म्युनिखसँगको हार र कप्तान मेस्सीले क्लब छाड्न फ्याक्समार्फत पठाएको पत्रले बार्सिलोनामा ठुलो समस्या रहेको तथ्य बाहिर ल्याएको छ ।
यस्तै मुख्य प्रशिक्षक क्विके सेटिन बर्खास्त, नयाँ प्रशिक्षक रोनाल्ड कोम्यानले क्लबका सिनियर खेलाडीलाई फोन गर्दै योजनामा नरहेको बताउनुले पनि बार्सिलोनाको समस्या उजागर गरिदिएको छ । मेस्सीले बार्सिलोना छाड्ने नछाड्ने पछि नै थाहा हुनेछ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]