4 years ago
September 3, 2020
एजेन्सी – युइएफए नेसन्स लिगो दोस्रो संस्करणमा आज (बिहीबार) राति पहिलो चरणमा विभिन्न १० खेलमा प्रतिस्पर्धा हुदैछ । युइएफए नेसन्स लिग २०२०–२१ को समूह चरणको खेल बिहीबारदेखि सुरु भएसँगै १० महिनापछि अन्तर्राष्ट्रिय फुटबल सुरु हुनेछ । युइएफए नेसन्स लिग ‘ए’ ग्रुप चारमा रहेको जर्मनी र स्पेनको खेलसँगै अन्य खेल बिहीबार राति हुनेछ । खेल जर्मनीको […]
एजेन्सी – युइएफए नेसन्स लिगो दोस्रो संस्करणमा आज (बिहीबार) राति पहिलो चरणमा विभिन्न १० खेलमा प्रतिस्पर्धा हुदैछ ।
युइएफए नेसन्स लिग २०२०–२१ को समूह चरणको खेल बिहीबारदेखि सुरु भएसँगै १० महिनापछि अन्तर्राष्ट्रिय फुटबल सुरु हुनेछ । युइएफए नेसन्स लिग ‘ए’ ग्रुप चारमा रहेको जर्मनी र स्पेनको खेलसँगै अन्य खेल बिहीबार राति हुनेछ ।
खेल जर्मनीको स्टुटगार्टमा रहेको मर्सिडिज बेन्ज एरिनामा नेपाली समय अनुसार राति १२ः३० शुरु हुनेछ । युवा खेलाडीको बाहुल्यता रहेको दुवै टोली समुहको पहिलो खेल जित्दै सुखद शुरुवात गर्नै दाउमा हुनेछ ।
जर्मनीसँग युवा फरवार्ड टिमो वेर्नर, लिरोए साने, मिडफिल्डमा काई हाभर्टज, जुलियन ब्रान्ट, टोनी क्रुस, इकेए गुन्डोगान,रोविन गोसेन्स र इम्री क्यान हुनेछन् । यस्तै गोलरक्षकमा ब्रन्ड लेनो र डिफेन्समा निक्लस सुल, म्याथियस जिन्टर, थिलो केरहरले मौका पाउन सक्ने सम्भावना छ ।
यता, सर्जियो रामोसको कप्तानीमा रहेको स्पेनका लागि मार्काे एसेन्सियो, जेरार्ड मोरेनो, रोड्रिगो, थियागो अलकान्तरा, सर्जियो बुस्क्वेट्स, फवियन, जोसे गाया, डिएगो लोरेन्टे, जेसस नाभास र गोलरक्षकमा किपा एरिजाबालगाले मौका पाउने सम्भावना छ । अन्सु फातीले सिनियर टोलीबाट ‘डेब्यु’ गर्ने सम्भावना छ ।
पछिल्लो तीन भेटमा यि दुई टोली समान एक जित, बराबरी र हारको नतिजा निकालेको छ । स्पेन पछिल्लो ६ खेलमा अपराजित रहेको छ । यसक्रममा चार जित र दुई बराबरीको नतिजा छ ।
यस्तै जर्मनी युरो छनोटमा नेदरल्यान्डसँग ४–२ ले पराजित भएयता, पछिल्लो पाँच खेलमा अपराजित छ । यसक्रममा जर्मनीले चार जित र एक बराबरीको नतिजा निकालेको छ । जर्मनीले दक्षिण अमेरिकी राष्ट्र अर्जेन्टिनासँगको मैत्रीपुर्ण खेलमा २–२ गोलको बराबरी खेलेको थियो ।
यही समूहको अर्काे खेलमा युक्रेन र स्वीट्जरल्यान्डबीच प्रतिस्पर्धा हुदैछ । खेल युक्रेनमा हुनेछ । नेसन्स लिगको यो दोस्रो संस्करण हो । पहिलो संस्करणमा पोर्चुगल च्याम्पियन बनेको थियो ।
अन्य खेल
ग्रुप ‘डी’ – १
लात्भिया विरुद्ध एन्डोरा (राति ९ः४५ बजे)
फारो आइल्यान्ड विरुद्ध माल्टा (राति १२ः३० बजे)
ग्रुप ‘बी’ –१
रसिया विरुद्ध सर्विया (राति १२ः३० बजे)
टर्की विरुद्ध हंगेरी (राति १२ः३० बजे)
ग्रुप ‘बी’ –४
बुल्गेरिया विरुद्ध आयरल्यान्ड (राति १२ः३० बजे)
फिनल्यान्ड विरुद्ध वेल्स (राति १२ः३० बजे)
ग्रुप ‘सी’ – ३
माल्दोभा विरुद्ध कोसोभो (राति १२ः३० बजे)
स्लोभेनिया विरुद्ध ग्रीस (राति १२ः३० बजे)
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्धको एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधवार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप गुआर्डिओलाले […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १–० ले पछि परेको स्थिति उल्ट्याएर अल फयामाथि ३–१ को सानदार पूनरागमन जित दर्ता गरेको हो । अल नासरको जितमा साडियो मानेले दुई तथा अब्दुलेह अल एम्रीले एक गोल गरे । अल फयाका फेसन […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]