4 years ago
September 4, 2020
एजेन्सी – युइएफए नेसन्स लिगमा वेल्सले फिनल्यान्डमाथि झिनो जित निकालेको छ । वेल्सले फिनल्यान्डलाई उसकै मैदानमा १–० को झिनो जित निकालेको हो । बिहीबार राति भएको खेलमा वेल्सको जितमा काइफर मोरेले खेल सकिन १० मिनेट बाँकी रहँदा गरेको गोल नै निर्णायक बन्यो । प्रतिस्पर्धात्मक खेलको चौथो मिनेटमा नै वेल्सका ड्यानियल जेम्सको क्रसमा काइफर मोरेले हेडरमार्फत […]
एजेन्सी – युइएफए नेसन्स लिगमा वेल्सले फिनल्यान्डमाथि झिनो जित निकालेको छ । वेल्सले फिनल्यान्डलाई उसकै मैदानमा १–० को झिनो जित निकालेको हो ।
बिहीबार राति भएको खेलमा वेल्सको जितमा काइफर मोरेले खेल सकिन १० मिनेट बाँकी रहँदा गरेको गोल नै निर्णायक बन्यो ।
प्रतिस्पर्धात्मक खेलको चौथो मिनेटमा नै वेल्सका ड्यानियल जेम्सको क्रसमा काइफर मोरेले हेडरमार्फत गोल गरेपनि मान्यता पाएन । उनले गोल गर्नुअघि विपक्षी खेलाडीलाई धकेलेको देखिएो थियो । सातौ मिनेटमा जेम्सकै क्रसलाई फिनल्यान्डका गोलरक्षक लुकासले विफल पारे ।
रिवाउन्डमा बेल पुग्न ढिला हुदा ओजालाले क्लियर गर्दै सम्भावित गोल टारे । १८औं मिनेटमा बेलको प्रहार बाहिरियो । २४औं मिनेटमा फिनल्यान्डका टिमु पुक्कीले गोल गरेपनि उनको गोलले पनि मान्यता पाएन । उनले बल पाउनुअघि नै जोनी काउकोले वेल्सका खेलाडीलाई फउल गरिसकेका थिए ।
५१औं मिनेटमा फिनल्यान्डले अग्रता लिने सुवर्ण अवसर खेर फाल्यो । कर्नरबाट आएको बललाई जोइल पोजनपालोको हेडर पोस्टमा लागेर फर्कदा चार यार्डमा रहेका लियो भइसानेनको प्रहारले पोस्टको गति लिन सकेन ।
८०औं मिनेटमा ड्यानियल जेम्सको पासमा काइफर मोरेले गोल गर्दै वेल्सलाई १–० को अग्रता दिलाए । त्यसपछि थप गोल निस्कन नसक्दा वेल्सले महत्वपुर्ण जित दर्ता गर्यो ।
यही समूहको अर्काे खेलमा बुल्गेरिया र आयरल्यान्डले १–१ गोलको बराबरी खेल्दै अंक बाँडेका छन् । जितसँगे वेल्सले ग्रुप ‘बी’ को ४ मा ३ अंक जोडेर शीर्षस्थानमा रहेको छ । फिनल्यान्ड पुछारमा रहँदा बुल्गेरिया र आयरल्यान्ड दोस्रो र तेस्रो स्थानमा छ ।
अब दोस्रो खेलमा वेल्सले बुल्गेरियासँग तथा आयरल्यान्ड र फिनल्यान्डबीच प्रतिस्पर्धा हुनेछ ।
April 24, 2024
एजेन्सी – युभेन्ट्स कोपा इटालियाको फाइनलमा प्रवेश गरेको छ। खेलको अन्त्यतिर गोल गरेपछि समग्रमा लाजियोलाई ३-२ ले पछि पार्दै युभेन्टस अन्तिम दुईमा पुगेको हो। बुधबार भएको दोस्रो लेगमा २-१ ले पराजित भएको युभेन्ट्सले पहिलो लेगमा २-० को जित निकालेको थियो।८३ औं मिनेटमा परिवर्तित खेलाडीका रुपमा मैदान प्रवेश गरेको केही सेकेन्डमै आर्काडिउज मिलिकले गोल गरेपछि युभेन्ट्सको […]
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]
April 23, 2024
सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]