काठमाडौँ (हाम्रो खेलकुद) – सहिद स्मारक बि डिभिजन लिगमा ब्वाइज युनियन क्लबका लागि मध्यपुर विरुद्ध डेब्यु गरेका गणेश खड्काले पहिलो खेलमै रातो कार्ड पाएका छन्।
आफ्नो पहिलो खेलको चौथो मिनेटमानै उनलाई खेलका रेफ्री श्रवण लामाले रातो कार्ड दिएका हुन्। मध्यपुरको डी बक्समा गणेशले विपक्षी खेलाडीलाई टाउकोले हिर्काएको आरोपमा मध्यपुरको खेलाडी र ब्वाइज युनियनको खेलाडीहरुविच भनाभन पनि भएको थियो। मध्यपुरका सुबर्ण कार्कीले गणेशमाथि हात हालेपछि उनलाई पनि रेफ्री लामाले रातो कार्ड देखाएका थिए।
एकदिन अघिमात्र ब्वाइज युनियनसंग अनुबन्धित भएका उनले पुल्चोक विरुद्धको खेल गुमाउने निश्चित रहेको छ।
