एजेन्सी – प्रशिक्षक लुइस इनरिकेले युइएफए नेसन्स लिगको लागि २५ सदस्यीय स्पेनिस राष्ट्रिय टोली घोषणा गरेको छ । प्रशिक्षक इनरिकेले चार नयाँ खेलाडीलाई समावेश गर्दै नेसन्स लिगको दुई खेल र एक मैत्रीपुर्ण खेलको लागि टोली घोषणा गरेको हो ।

यसपटक मिडफिल्डर ड्यानियल सेवालोसले टोलीमा पुनरागमन गर्दा सर्जियो क्यानालेस र जोस क्याम्पाना पहिलोपटक राष्ट्रिय टोलीमा पर्न सफल भएका हुन् । उमेर समूहमा प्रतिनिधित्व गरिसकेका एडमा ट्राओरेले पनि सिनियर टोलीमा स्थान राष्ट्रिय टोलीमा स्थान बनाउन सफल भएका हुन् ।

ट्राओरे तेस्रोपटक स्पेनको राष्ट्रिय टोलीमा कलअप भएका हुन् । उनले पहिलोपटक इन्ज्युरीका कारण तथा दोस्रोपटक कोरोना संक्रमणका कारण टोली छाड्नुपरेको थियो । यसअघि टोलीमा रहेका ओस्कार रोड्रिग्वेजले सेभियामा पहिलो रोजाईमा कम अवसर पाएका छन् । स्पेनिस क्लब रियल म्याड्रिडका मार्काे एसेन्सियो चोटबाट पूरनागनको प्रयासमा रहँदा थियागो अलकान्तरता कोरोना संक्रमणका कारण टोली बाहिर रहनेछन् ।

नेसन्स लिगको ग्रुप ‘ए’ चारमा रहेको स्पेनले ७ अक्टोबरमा लिस्वनमा घरेलु टोली पोर्चुगलसँग मैत्रीपुर्ण खेल खेल्दैछ । त्यसपछि १० अक्टोवरमा स्वीट्जरल्यान्डसँग घरेलु मैदानमा तथा १३ अक्टोवरमा किएभमा युक्रेनसँग प्रतिस्पर्धा गर्ने तालिका छ ।

यो समूहमा स्पेन दुई खेलबाट ४ अंक जोडेर शीर्षस्थानमा रहेको छ । समान खेलबाटै युक्रेन ३ अंक जोडेर दोस्रो स्थानमा रहँदा २ अंकसहित जर्मनी तेस्रो तथा १ अंकसहित स्वीट्जरल्यान्ड पुछारमा छ ।

पुर्ण टोली

गोलकिपर – डेभिड डे हेया, किपा एरिजावालगा र युनाई सिमोन

डिफेन्डर – जेसस नाभास, ड्यानी कार्भाजल, सर्जियो रामोस, पोउ टोरेस, इरिक गार्सिया, डिएगो लोरेन्टे, जोस लुइस गाया र सर्जियो रेगुइलोन

मिडफिल्ड – सर्जियो बुस्क्वेट्स, रोड्रिगो हर्नान्डेज, मिकेल मोरेनो, फावियन रुइज, ड्यानियल सेवालोस, सर्जियो क्यानालेस र जोस क्याम्पाना

फरवार्ड – रोड्रिगो मोरेनो, अन्सु फाती, फेरान टोरेस, ड्यानी ओल्मो, एडमा ट्राओरे, मिकेल ओयरजावाल र जेरार्ड मोरेनो