एजेन्सी – स्पेन तथा स्पेनिस क्लब रियल म्याड्रिडका डिफेन्डर ड्यानियल कार्भाजल कम्तीमा दुई महिना मैदान बाहिर रहने भएका छन् ।

मसल्स इन्ज्युरीका कारण राइट ब्याक कार्भाहल कम्तीमा पनि दुई महिना मैदान बाहिर रहने पक्का भएको क्लबले जनाएको छ । रियलको मेडिकल टिमले गरेको परिक्षणमा उनको दाँया खुट्टाको कोलटेरियल लिगामेन्ट च्यातिएको र उनलाई खेलमा फर्कन कम्ती पनि दुई महिना लाग्ने छ ।

कार्भाहलले रियल भालाडोलिडविरुद्धको खेलमा ५७औं मिनेटमा अल्भारो ओर्डिजोलाको स्थानमा मैदान प्रवेश गरेका थिए । रियलका इडेन हाजार्ड, इडर मिलिटाओ र टोनी क्रुस पनि चोटसँग जुधिरहँदा प्रशिक्षक जिनेदिन जिदानलाई थप दवाव परेको छ ।

कार्भाहलले चोट बोकेसँगै ओर्डिजोलाले नै रियलको पहिलो रोजाईमा स्थान पाउनेछन् । यस्तै रियलले कार्भाजलको विकल्पमा लुकास भास्क्वेज र लेफ्टब्याक फर्लान्ड मेन्डीलाई खेलाउन सक्नेछ ।

चोट बोकेसँगै कार्भाजलले एल क्लासिकोसँगै लेभान्टे, काडिज, एसडी हुएस्का, भ्यालेन्सिया र भिल्लारियलको खेलसँगै च्याम्पियन्स लिगको समूह चरणको शुरुवाती चार खेल गुमाउनेछन् ।

स्पेनिस राष्ट्रिय टोलीका प्रशिक्षक लुइस इनरिकेले शुक्रबार मात्रै युइएफए नेसन्स लिगको दुई र एक मैत्रीपुर्ण खेलका कार्भाजलसहित २५ सदस्यीय टोलीको घोषणा गरेको थिए । तर, अब कार्भाजलले उक्त खेलहरु पनि गुमाउने छन् ।

नेसन्स लिगको ग्रुप ‘ए’ चारमा रहेको स्पेनले ७ अक्टोवरमा लिस्वनमा घरेलु टोली पोर्चुगलसँग मैत्रीपुर्ण खेल खेल्दैछ । त्यसपछि १० अक्टोवरमा स्वीट्जरल्यान्डसँग घरेलु मैदानमा तथा १३ अक्टोवरमा किएभमा युक्रेनसँग प्रतिस्पर्धा गर्ने तालिका छ ।