एजेन्सी – आरबी लाइप्जिग जर्मन बुन्डेसलिगाको शीर्षस्थानमा उक्लिएको छ । शनिबारको खेलमा साल्केमाथि ४-० को जित दर्ता गर्दै लाइप्जिगले आफ्नो लय कायम राखेको हो ।

घरेलु मैदान रेडबुल एरिनामा शनिबार राति भएको खेलमा लाइप्जिगलाई सानदार जित दिलाउन एन्जेलिनो, विल्ली ओर्बन र मार्सेल हल्सटेनवर्गले गोल गरे । एक गोल उपहार पाएको थियो । लाइप्जिगले खेलको ३१औं मिनेटमा बोज्डोगानको आत्मघाती गोलबाट अग्रता लिएको थियो । ३५औं मिनेटमा एन्जेलिनोले गोल गरेपछि लाइप्जिगले खेलमा २–० को अग्रता लियो ।

पहिलो हाफको इन्ज्युरी समयको थप गरिएको दोस्रो मिनेटमा ओर्बनले गोल गरेपछि लाइप्जिगले पहिलो हाफमै ३–० को आरादायी अग्रता लियो । ८०औ मिनेटमा मार्सेल हल्सटेनवर्गले पेनाल्टीमार्फत गोल गर्दै लाइप्जिगलाई ४–० को सानदार जित दिलाए ।

जितसँगै अपराजित रहेको लाइप्जिग ३ खेलबाट ७ अंक जोडेर बुन्डेसलिगाको शीर्षस्थानमा उक्लिएको छ । समान खेलबाट फ्रान्कफुुर्टको ७ अंक रहँदा एक खेल कम खेलेको अग्सवर्ग ६ अंक जोडेर चौथो स्थानमा रहेको छ । पराजित साल्के अंकविहीन हुदै पुछारमा छ । साल्केले लगातार तीन हार बेहोरेको छ ।

अन्य नतिजा

कोल्नविरुद्ध बोरुसिया मोन्चेनग्लाडवाक (१–३), फ्रान्कफुर्टविरुद्ध होफेनहाइन (२–१), स्टुटगार्टविरुद्ध बायर लिभरकुसन (१–१), वेर्डर ब्रेमेनविरुद्ध अर्मिनिया बिलेफिल्ड (१–०)