काठमाडौँ (हाम्रो खेलकुद) – राजधानीमा जारी सहिद स्मारक ‘बि’ डिभिजन लिग अन्तर्गत आज भएको खेलमा च्यासल युथ क्लबले लगातार तेश्रो जित दर्ता गर्दै दोश्रो स्थानमा उक्लिन सफल भएको छ।
सशस्त्र प्रहरी बलको हल्चोक स्थित रंगशालामा भएको पहिलो खेलमा च्यासल युथ क्लबले अन्तिम स्थानमा रहेको सामाजिक युवा क्लबलाई १-०ले पराजित गर्दै तेश्रो जित दर्ता गरेको छ। दिनको दोश्रो खेलमा नयाँबस्ति युवा क्लबले टुसाल युवा क्लबलाई गोलरहित बराबरीमा रोक्न सफल भयो।
सातदोबाटो स्थित एन्फा कम्प्लेक्सको मैदानमा भएको खेलमा सातदोबाटोले महाबिर क्लबलाई २-१ पराजित गर्यो। सातदोबाटोको लागि रिपू भुलानले दुइ गोल गरे भने सरोज थापाले महाबिरको लागि बराबरी गोल गरेका थिए।
