बार्सिलोना (एजेन्सी) – लियोन मेसी र लुइस स्वारेजलाई पहिलो रोजाइमा नराखेको स्पेनिस ला लिगाको गएरातीको खेलमा बार्सिलोना नयाँ टोली अल्भाससँग २–१ ले पराजित भएको छ ।
ब्राजिलियन फरवार्ड ब्रुम सिल्भा अकोस्टाले पहिलो हाफ हुन सात मिनेट बाँकी रहँदा गोल गरेर नोउ क्याम्पमा बार्सिलोना समर्थकलाई निराश पारेका थिए । दोस्रो हाफको पहिलो मिनेटमै जेरेमी माथुइले नेइमारको कर्नरमा हेडमार्फत गोल गर्दै साविक विजेतालाई खेलमा फर्काएका थिए । तर गोमेज पेरेजले ६४ औं मिनेटमा गरेको गोल गरेको निर्णायक बन्यो र बार्सिलोनाले आफ्नो तेस्रो खेलमा पहिलो हार स्वीकार्नु परेको थियो ।
बार्सिलोनाका डेब्यू गरेको गोलकिपर जासपरलाई विट गर्दै पेरेजले गोल गरे थिए । खेलमा पछि परेपछि मेसीलाई मैदान उतारेपनि त्यसको प्रभाव परेन । प्रशिक्षक लुइस इन्रिकेले स्वारेज पनि मैदान प्रवेश गराएपछि आल्भेसले सन् २००० पछि पहिलो पटक बार्सिलोनाको मैदानमा जित हासिल गरेको थियो ।
शीर्षस्थानको रियल मड्रिडको भन्दा बार्सिलोनाको ३ अंक कम छ । लगातार तेस्रो खेल जित्ने क्रममा रियलले ओसासुनालाई ५–२ ले हराएको थियो । चोटमुक्त भएर फर्केको पहिलो खेलमै क्रिस्टियानो रोनाल्डोले रियलका लागि पहिलो गोल गरेका थिए ।
