एजेन्सी – शुरुवाती चरणमा उच्च प्रदर्शन गरिरहेको एभर्टनले इंग्लिस प्रिमियर लिगमा लगातार दोस्रो हार बेहोरेको छ ।

छैटौ चरणको खेलमा साउथह्याम्टनसँग पराजित भएको एभर्टन सातौ चरणको खेलमा न्युक्यासलसँग २–१ ले पराजित भएको हो । लगातार दोस्रो हार बेहोरेसँगै एभर्टनले शीर्षस्थानमा उक्लने मौकासमेत गुमाएको छ । न्युक्यासलमाथ जित निकाल्न सकेको भए एभर्टनले लिभरपुलसँग समान अंक (१६) बराबरी गर्दै गोल अन्तरमा शीर्षस्थानमा उक्लने अवसर रहेको थियो ।

यो हारले एभर्टन तेस्रो स्थानमा खुम्चिएको छ । एभर्टनको १३ अंक छ । दोस्रो स्थानमा रहेको टोटेनहम हस्टपरको १४ तथा शीर्षस्थानको लिभरपुलको १६ अंक छ । न्युक्यासल ११ अंक जोडेर ११औं स्थानमा रहेको छ ।

सेन्ट जेम्स पार्कमा आइतबार साँझ भएको खेलमा न्युक्यासलो जितमा दुवै गोल कलुम विल्सनले गोल गरे । अन्तिम समयमा डोमिनिक काल्भर्ट लेविनले गोल गरेपनि एभर्टनको हार टार्न सकेन । प्रतिस्पर्धात्मक पहिलो हाफमा गोलरहित बराबरीमा सकिदा दोस्रो हाफमा सबै तीन गोल सम्भव भएको थियो ।

५६औं मिनेटमा कलुम विल्सनले पेनाल्टीमा गोल गर्दै न्युक्यासललाई अघि बढाए । ८४औं मिनेटमा विल्सनले नै व्यक्तिगत दोस्रो गोल गर्दै एभर्टनको अग्रता दोब्बर पारे । इन्ज्युरी समयको थप गरिएको दोस्रो मिनेटमा लेविनले गोल गर्दै खेललाई २–१ को अवस्थामा ल्याएपनि हार टार्न सकेन ।