एजेन्सी – कप्तान तथा फरवार्ड ग्यारेथ बेलले वेल्सको राष्ट्रिय टोलीमा पूनरागमन गरेका छन् । नोभेम्वरको तीन अन्तर्राष्ट्रिय खेलका लागि वेल्सले २९ सदस्यीय टोलीमा कप्तान ग्यारेथ बेललाई टोलीमा समेटेको हो ।

चोटका कारण बेलले अक्टोवरमा भएको तीन खेल (इंग्ल्यान्ड, आयरल्यान्ड र बुल्गेरिया) विरुद्धको खेल गुमाएका थिए । चोटका कारण पहिलो रोजाईका गोलरक्षक वेने हेन्नेसी र अर्का गोलरक्षक एडाम डाभिस नभएपनि वेल्स नेसन्स लिग ‘बी’ मा तीन जित र एक बराबरीसहित शीर्षस्थानमा रहेको छ ।

यस्तै ४६ वर्षीय प्रशिक्षक गिग्सको अनुपस्थितिमा रोब पेजले टोलीको प्रशिक्षण जिम्मेवारी सम्हाल्नेछन् । गिग्सलाई आफ्नै प्रेमिकाले दुर्व्यवहारको उजुरी हालेपछि वेल्सले उनलाई यस खेलका लागि विश्राम दिएको छ । उनले आफ्नो कुनै गल्ति नरहेको बताएका छन् ।

वेल्सले ओवेन फोन विलियम्स र टम किङलाई पनि टोलीमा समोवश गरेको छ । यस्तै टोम लकयर र जेम्स लरेन्सलाई टोलीमा समेट्दा जोस सिहानले पहिलोपटक राष्ट्रिय टोलीमा स्थान बनाएका छन् । टोम लेरेन्सले शल्यक्रियाको एक वर्षपछि राष्ट्रिय टोलीमा स्थान बनाउन सफल भएका हुन् ।

वेल्सले १२ नोभेम्वरमा अमेरिकासँग मैत्रीपुर्ण खेल खेल्नेछ । त्यसपछि १५ नोभेम्वरमा घरेलु मैदानमा रिपब्लिक अफ आयरल्यान्ड र १८ नोभेम्वरमा फिनल्यान्डसँग नेसन्स लिगमा प्रतिस्पर्धा गर्दैछ ।