हाम्रो खेलकुद – मदेरियाको टापुमा जन्मेको भएपनि क्रिस्टियानो रोनाल्डोको जन्मथलो भने लिस्बन नै मानिन्छ। नहोस पनि किन, उनि १२ वर्षको उमेरमा स्पोर्टिंग लिस्बोनमा आवद्ध भएसंगै उनको खेल जीवनको सुरुवात जो भएको थियो।
लिस्बनमा युवा अवस्थामा एक आकर्षक फुटबलर बनेका उनि २००३मा म्यानचेस्टर युनाइटेड पुगेका थिए। केवल १८ वर्षको खेलाडीलाई त्यो समयमा सो रकम निकै ठुलो थियो। तर रोनाल्डोले आफ्नो कौशल देखाऊँदै सबलाई चकित पारिदिए। छ वर्षको म्यानचेस्टर बसाईपश्चात उनि आफ्नो सपनाको क्लब रियल म्याड्रिड लागे। विश्व कीर्तिमानी रकममा म्याड्रिड पुगेपछि उनले कहिल्यै पछाडी हेर्नु परेको छैन।
१३ वर्ष र अनगिन्ती उपाधि जितिसकेपछि रोनाल्डो फेरी लिस्बन प्रवेश गर्दैछन। तिन ब्यलोन डी’ओर उपाधि, एक युरो कप, तिन च्याम्पियन्स लिग र धेरै घरेलु लिग र कप जितेका उनि बाँकी खेलाडी जिन्दगि म्याड्रिडमै बिताउन चाहन्छन।
युरोमा चोट बोकेपछि गतसाता मात्र खेलमा फर्किएका उनि आज हुने खेलमा आकर्षणका केन्द्र हुनेछन्। मैदान बाहिर जे भएपनि मैदान भित्र उनको लक्ष्य भने एकै हुनेछ, सदाझैं म्याड्रिडको जित र आफ्नो राम्रो प्रदर्शनको।
