एजेन्सी – रियल म्याड्रिडका अधिकांश अन्तर्राष्ट्रिय खेलाडी प्रशिक्षणमा फर्केका छन् । ला लिगामा शनिबार भिल्लारियलको सामना गर्दैछ ।

यद्दपी कप्तान सर्जियो रामोसले भिल्लारियलसँगको खेल गुमाउने सम्भावना छ । अर्का डिफेन्डर राफेल भारेनले पनि शनिबार खेल्नेमा शंका छ । तर, जिनेदिन जिदानका लागि खुसीको विषय कासेमेरो प्रशिक्षमा फर्केका छन् । नोभेम्भर ७ मा इडन हाजार्डसँग कोराना संक्रमण भएपछि आइसोलेसनमा थिए ।

अहिले कासेमेरा फर्कनु टोलीका लागि महत्वपूर्ण हुन सक्छ । जबकी टोलीले बुधबार च्याम्पियन्स लिगमा इन्टरको सामना गर्दैछ । अघिल्लो चरण जाने सम्भावनालाई बलियो बनाउन त्यो खेल टोलीका लागि महत्त्वपूर्ण हुनेछ ।

हाजार्ड र इडर मिलिसाअो अहिले पनि अइसोलेसमा छन् । जिदानले इन्टरसँगको महत्त्वपूर्ण खेल अघि हाजार्ड फर्कने अपेक्षा गरेका छन् । कासेमेरोले कोरानाका कारण एक खेल गुमाएका थिए । भ्यालेन्सियाविरुद्धको त्यो खेलमा रियल ४–१ ले पराजित भएको थियो ।

कासेमेरोको आगमनले टोलीको रक्षापक्ति मजबुत हुने अपेक्षा गरिएको छ । ब्राजिलियनले चोटग्रस्त फेडेरिको भाल्भार्डेको ठाँउमा सेन्टर मिडफिल्डमा खेल्नेछन् । उरुग्वेली अझै महिना दिन मैदान बाहिर रहने अनुमान गरिएको छ । उनी कम्तीमा डिसेम्बरको मध्ये सम्म फर्कने छैनन् ।