एजेन्सी – युइएफए नेसन्स लिगको समूह चरणको अन्तिम खेलमा इंग्ल्यान्डले आइसल्यान्डमाथि सानदार जित हात पारेको छ ।

घरेलु मैदानमा इंग्ल्यान्डले १० खेलाडीमा समेटिएको आइसल्यान्डलाई ४–० ले हराएको हो । इंग्ल्यान्डको सानदार जितमा फिल फोडेनले दुई तथा डिक्लन राइस र मासन माउन्टले समान एक गोल गरे । पहिलो र दोस्रो हाफमा समान २–२ गोल सम्भव भएको थियो ।

वेम्वली स्टेडियममा बुधबार राति भएको खेलमा इंग्ल्यान्डले खेलको २०औं मिनेटमा डिक्लन राइसको गोलबाट अग्रता लिएको थियो । उनले फोडेनको पासमा गोल गरेका थिए । २४औं मिनेटमा मासन माउन्टले गोल गर्दै इंग्ल्यान्डको अग्रता दोब्बर पारे ।

५४औं मिनेटमा आइसल्यान्ड १० खेलाडीमा समेटियो । बुकायो साकामाथि फल गरेपछि बिर्किर साभर्सन दोहोरो पहेलो कार्ड खादै मैदानबाट बाहिरिएका थिए ।

त्यसको फाइदा उठाउँदै इंग्ल्यान्डले थप दुई गोल गर्न सफल भयो । चार मिनेटको अन्तरमा फिल फोडेनले दुई गोल गर्दै इंग्ल्यान्डको जित पक्का गरे । टोरेसले ८०औं मिनेटमा जाडोन सन्चोको पासमा गोल गर्दै इंग्ल्यान्डलाई ३–० ले अघि बढाए । ८४औं मिनेटमा ह्यारी विङ्सको पासमा फिल फोडेन ले व्यक्तिगत दोस्रो गोल गर्दै इंग्ल्यान्डलाई ४–० को सहज जित दिलाए ।

यो जितसँगै लिग ए २ मा इंग्ल्यान्डले ६ खेलबाट १० अंक जोडेर तेस्रो स्थानमा छनोट अन्त्य गर्यो । यो समुहबाट बेल्जियमले अन्तिम चारमा स्थान पक्का गर्दा डेनमार्क दोस्रो स्थानमा तथा आइसल्यान्ड अंकविहीन हुदै पुछारमा रहेर रेलिगेसनमा परेको छ ।