3 years ago
November 29, 2020
एजेन्सी – फ्रेन्च लिग वानको शीर्षस्थानमा रहेको पेरिस सेन्ट जर्मेन (पीएसजी) घरेलु मैदानमा बोर्डेअक्ससँग २–२ गोलको बराबरीमा रोकिएको छ । पार्क दि प्रिन्सेसमा शनिबार राति भएका खेलमा घरेलु टोली खेलको १०औं मिनेटमा टिमोथी पेम्वेलेको आत्मघाती गोलबाट पछि परेको थियो । कर्नरबाट आएको बललाई जोस माजाले प्रहार गर्नुअघि नै युवा सेन्टर ब्याक टिमोथी पेम्वेलेले बचाउन खोज्दा […]
एजेन्सी – फ्रेन्च लिग वानको शीर्षस्थानमा रहेको पेरिस सेन्ट जर्मेन (पीएसजी) घरेलु मैदानमा बोर्डेअक्ससँग २–२ गोलको बराबरीमा रोकिएको छ ।
पार्क दि प्रिन्सेसमा शनिबार राति भएका खेलमा घरेलु टोली खेलको १०औं मिनेटमा टिमोथी पेम्वेलेको आत्मघाती गोलबाट पछि परेको थियो । कर्नरबाट आएको बललाई जोस माजाले प्रहार गर्नुअघि नै युवा सेन्टर ब्याक टिमोथी पेम्वेलेले बचाउन खोज्दा आफ्नै पोस्टमा गोल गर्न पुगेका थिए ।
त्यसपछि पीएसजीको लगातार दुई आक्रमणमा बोर्डेअक्सका गोलरक्षक बेनोइट कोस्टिल बाधक बने । उनले एलेसान्द्रो फ्लोरेन्जी र मिचेल बाकेरको प्रहारलाई विफल पारेका थिए । २७औं मिनेटमा नेयमारले पेनाल्टीमार्फत गोल गर्दै खेललाई १–१ गोलको बराबरीमा ल्याए ।
पेनाल्टी बक्समा हाटिम विन अर्फाले नेयमारलाई लडाएपछि पीएसजीले पेनाल्टी अपिल गरेपनि रेफ्रीले त्यसको कुनै सुनुवाई गरेको थिएन । तर दुई मिनेटपछि रेफ्रीले भिएआरको सहायता लिदै पीएसजीलाई पेनाल्टी प्रदान गर्दा नेयमार चुकेनन् । पहिलो गोल गरेका एक मिनेटपछि नै मोइस किनले गोल गर्दै पीएसजीलाई २–१ ले अघि बढाए ।
पेनाल्टी बक्सबाहिरको नेयमारको शक्तिशाली प्रहार गोलरक्षकलाई लाग्दै रिवाउन्ड आएको बललाई किनले जाली चुमाएका थिए । ३४आं मिनेटमा केलियन एमबाप्पेको प्रहारमा गोलरक्षक नै बाधक बने । ४३औं मिनेटमा रोफिन्हाको प्रहारमा गोलरक्षक कोस्टिल नै बाधक बने ।
६०औं मिनेटमा हाटिम विन अर्फाको पासमा यासिन एडलिले गोल गर्दै खेललाई २–२ गोलको बराबरीमा ल्याए । ६८औं मिनेटमा निकोलस डि प्रिभिल चुक्दा बोर्डेअक्सले अग्रता लिन सकेन । ७१औं मिनेटमा विन अर्फा र यासिनको समन्वयमा बनेको मुभमा पारेडेसले उत्कृष्ट ब्लक गरे ।
८६औं मिनेटमा पीएसजीका गोलरक्षक सर्जियो रिकोले विन अर्फाको प्रहारलाई सुन्दर बचाउ गरे ।
त्यसपछि थप गोल निस्कन नसक्दा खेल बराबरीमा टुगिंयो । यो बराबरीले पीएसजी १२ खेलबाट २५ अंक जोडेर शीर्षस्थानमा यथावत रहेको छ । बोर्डेअक्स १६ अंकसहित ११औं स्थानमा छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]