एजेन्सी – यो सिजनको यूईएफए च्याम्पियन्स लिगको प्रि–क्वाटरफाइनलको ‘ड्र’ सोमबार हुँदैछ । ड्र नेपाली समयअनुसार अपरान्ह ४:४५ बजे हुनेछ ।

‘ड्र’ को समीकरण अनुसार यसपटक क्याटलान क्लब बार्सिलोनाले प्रि–क्वाटरफाइनलमा बलियो प्रतिद्वन्द्वीको सामना गर्नुपर्ने पक्का छ । समूहको उपविजेता बन्दै अघि बढेको बार्सिलोनाले यसपटक अन्तिम १६ मा समूह विजेता लिभरपुल, चेल्सी, म्यानचेस्टर सिटी, बायर्न म्युनिख, बोरुसिया डर्टमुन्ड र पीएसजीमध्ये एक टोलीसँग प्रतिस्पर्धा गर्नुपर्ने भएको छ ।

रियल म्याड्रिड एकै राष्ट्रको भएकाले बार्सिलोनाले रियल म्याड्रिडबाहेक अरु समूह विजेतासँग खेल्नुपर्नेछ । समूह चरणको अन्तिम खेलमा युभेन्ट्ससँग ३–० ले पराजित भएपछि हेड टु हेडमा बार्सिलोना समूह ‘जी’ को उपविजेतामा सीमित बनेको थियो । विशेषगरी साविकको विजेता बायर्न म्युनिख, लिभरपुल, म्यानचेस्टर सिटी र पीएसजी बार्सिलोनाको लागि बलियो प्रतिद्वन्द्वी हुन सक्दछ ।

चेल्सी र बोरुसिया डर्टमुन्ड बार्सिलोनाका लागि केही सहज हुनेछन् । तर दुवै टोलीको प्रदर्शन पछिल्लो समय लयमा नै रहेको छ । प्रि–क्वाटरफाइनलको पहिलो लेगका खेलहरु फेब्रुअरी १६ र १७ तथा २२ र २३ मा हुनेछ । दोस्रो लेग ९ र १० तथा दोस्रो लेग १६ र १७ मार्चमा हुनेछ ।

समूह विजेता – बायर्न म्युनिख, रियल म्याड्रिड, म्यानचेस्टर सिटी, लिभरपुल, चेल्सी, बोरुसिया डर्टमुन्ड, युभेन्ट्स र पीएसजी

समूह उपविजेता – एट्लेटिको म्याड्रिड, बोरुसिया मोन्चेनग्लाडवाक, पोर्टाे, एटलान्टा, सेभिया, लाजियो, बार्सिलोना र आरबी लाइप्जिग