नेपालको रुस्लान थ्रीस्टार क्लबले भारतको सिलोङमा जारी ६४ औ संस्करणको बोर्डोलोई ट्रफी फुटबल प्रतियोगितमा विजयी सुरुवात गरेको छ । लिग चरणको आफ्नो पहिलो खेलमा थ्रीस्टारले नागाल्याण्डको बारक फुटबल क्लबलाई ६–१ गोल अन्तरले पराजित गरेको हो ।
जितपछि खेलाडीको प्रर्दशनमा प्रशिक्षक मेघराज केसी खुसी देखिए । ‘पहिलो म्याच अवश्य पनि गाह्रो हुन्छ, तर थपिएका दुई नयाँ खेलाडीले पनि राम्रो खेले ।’ उनले भने ‘प्रतिद्वन्दी कमजोर भएकाले त्यही अनुसार फराकिलो जित निकाल्न सफल भयौ । खेलाडीको प्रर्दशनबाट म खसी छु ।’ ६ बर्ष अघि थ्रीस्टारलाई प्रतियोगिताको उपविजेता बनाएका मेघराज केसीले टिममा विस्तारै सेटिङ मिल्दै गएको बताए ।
‘टिम विस्तारै बलियो बन्दै छ । खेलाडीको क्षमतामा निखार आउदै छ, अर्को खेलमा हामी अझ राम्रो खेल्नेछौ’ उनले भने । बढी कन्फिडेन्ट भएर पहिलो हाफमा केही गल्ति दोहरिएपनि दोस्रो हाफपछि खेलाडीले सुधारिएको प्रर्दशन गरिएको उनको भनाई छ ।
स्रोत: एनएसजीएफ
