एजेन्सी – एट्लेटिको म्याड्रिडसँगको डर्बीअघि रियल म्याड्रिडका प्रशिक्षक जिनेदिन जिदानले इस्कोले खेल्न सक्ने बताएका थिए । तर, इस्कोले त्यो खेलमा मौका पाएनन् । त्यसको कारण उनले लामो समययता ठूलो खेल खेलेका छैनन् ।

स्पेनका अन्तर्राष्ट्रिय इस्कोले यो सिजन च्याम्पियन्स लिगमा १३ मिनेट खेलेका थिए । ला लिगामा उनले बार्सिलोना, सेभिल्ला वा एट्लेटिकोसँग मौका पाएनन् । जिदानले उनलाई धेरै मौका नदिएबाट बुझ्न सकिन्छ जनवरीको सरुवा बजारमा इस्कोले नयाँ क्लबको बाटो रोजुन् ।

इस्को आफै पनि धेरै मौका नपाएपछि रियल छाड्ने योजनामा हुन सक्छन् । सन् २०१३ मा रियलमा आबद्ध भएपनि उनीले खास छाप्न छाडेका छ्रैनन् । २८ वर्षे मिडफिल्डको सम्झौता २०२२ सम्म रहेपनि अब उनी रियलमा लामो समय रहने सम्भावना भने कमजोर हुँदै गएको देखिन्छ ।

जिदान आफै पनि इस्कोका प्रशंसक थिए । जिदानको टोलीका कुनै बेला मुख्य खेलाडी मध्ये पनि थिए । तर जति बेला उनका सन्देश सञ्चारमाध्यममा पुग्न थाले त्यसपछि जिदानको व्यहार परिवर्तन भएको बताइन्छ ।

पछिल्लो पटक इस्कोले काडिजविरुद्ध खेल्ने मौका पाएका थिए । तर मध्यान्तरमा उनलाई परिवर्तन गरिएको थियो । इस्कोले रियलमा आफ्नो महत्व गुमाइसकेका छन् भने जिदानले ढोका खोलिदिसकेका छन् ।