इंगल्याण्डको लिग कप मंगलबार राति भएको खेलमा चेल्सीले अतिरिक्त समयमा गोल गर्दै लेस्टरलाई ४-२ ले पराजित गरेको छ।
शिंजी ओकाजाकीले पहिलो हाफमा दुइ गोल गरेपछि चेल्सी दुइ गोलले पछि परेको थियो। तर, ग्यारी केहिलले ४५औं मिनेटमा गोल गर्दै चल्सिलाई खेलमा फर्काएका थिए।दोश्रो हाफको सुरुवातमै सेजर एज्पिलीक्वेटाले गोल गर्दै खेललाई बराबरीमा ल्याए। खेलको अन्त्यतिर लेस्टरका मर्सिन वाजिलेविसकीले रातो कार्ड पाएका थिए।
निर्धारित ९०मिनेटको खेल सकिएपछि थप ३० मिनेटको सुरुवातमै सेस फेब्रिग्यासले दुइ गोल गरे। उनले दोश्रो र चौथो मिनेटमा गोल गर्दै चेल्सीको जित सुनिश्चित गरेका हुन्।
