हाम्रो खेलकुद – स्पेनिश ला लिगा अन्तर्गत आज राति (नेपाली समयानुसार विहान १:४५बजे) हुने खेलमा बार्सिलोना र एट्लेटिको म्याड्रिड भिड्दै छन्।
चार खेलमा नौ अंक बोकेर लिगको तेश्रो स्थानमा रहेको बार्सिलोना ८ अंक जोडेको पाँचौ स्थानको एट्लेटिको म्याड्रिडसंग ‘क्याम्प नउ’मा खेल्दै छ। नवप्रवेशी क्लब अलाभेससंग २-१को हार व्यहोरेपछि सम्हालिएको बार्सिलोना एट्लेटिकोलाई पराजित गर्दै दोश्रो स्थानमा पुग्ने दाउमा छ। यता एट्लेटिको पनि लगातार दुइ जित दर्ता गरेसंगै उत्साहित देखिएको छ।
बार्सिलोनाको लागि नयाँ खेलाडी स्यामुएल उम्टिटि मैदानमा हुने छैनन् भने एट्लेटिकोका सरसी, मोया र टियागो चोटका कारण मैदान बाहिर रहनेछन् ।
यी दुइ टोलीबीचको पछिल्लो छ खेलमा बार्सिलोना पांच पटक विजय भएको छ भने एट्लेटिकोले एक खेल जितेको छ। पछिल्लो खेलमा बार्सिलोना एट्लेटिकोसंग २-१ ले पराजित भएको थियो। सो खेलमा दुवै गोल एट्लेटिकोका एन्टोईन ग्रिज्मनले गरेका थिए।
