एजेन्सी – बार्सिलोनाका कप्तान लिओनल मेस्सीका मनमा अहिलेको समयमा धेरै खाले प्रश्न हुन सक्छन् । उनको क्लबसँगको सम्झौता जुन ३० मा सकिँदैछ । जनवरी १ मा खुल्ने सरुवा बजारबाट उनी अन्य क्लबका लागि छलफल गर्न सक्नेछन् ।

मेस्सीले पछिल्लो सिजनको गतिविधिले यो सिजनको सुरुवातमा पनि असर गरेको बताएका छन् । सिजनको सुरुवातमा उनी क्लब छाड्न चाहन्थे । क्लबसँगको सम्बन्धमा जटिलता आउने सम्भावना देखेपछि उनी पछि हटेका थिए । त्यति बेला आफू किन क्लबमै रहन राजी भएको विषयमा अन्तवार्तामार्फत प्रष्ट पारेका छन् ।

अहिले फेरि क्रिसमसको अवसरमा मेस्सीले दिएको अन्तवार्ता दिएका छन् । उनले त्यसमा आफूले राम्रो गरिरहरहेको बताएका थिए । उनले पछिल्लो सिजन आफ्ना लागि खराब रहेको समेत बताएका छन् । ‘यो सुरुबाट चल्दै आएको छ । पछिल्लो सिजन जे भयो । त्यो अहिलेको सिजनको सुरुवातमा पनि जारी रह्यो,’ मेस्सीले भनेका छन् ।

मेस्सीले बार्सिलोना छाड्लान् ?

मेस्सीले बार्सिलोना छाड्दा फेरि एक पटक यो चर्चा सुरु भएको छ । तर यसको प्रष्ट जवाफ कसैसँग छैन । तर मेस्सी आफू भने बार्सिलोनालाई उपाधि जिदाउन केन्द्रित रहेका छन् ।

‘म अहिले ठीक छन् । म साच्चै गम्भिरतापूर्व सबै चिजका लागि आउने दिनमा संघर्ष गर्नेछु,’ उनले भने, ‘म उत्साहित छु । अहिलेको समय क्लबका लागि कठीन छ । टोलीको स्तर र क्लबमा सबै चिज कठीन छन् । तर म आउने दिनका लागि आशावादी छु ।’